ហួសចិត្ត! ជិះអស់តែ ២ម៉ឺន៥ពាន់រៀល អោយក្រដាស ២០ដុល្លារ ស្រាប់តែភ្លេចខ្លួនបន្តិច បងកង់បីឥណ្ឌាជិះទៅបាត់ហៅលែងលឺ

ថ្មីៗនេះមានករណីមួយដោយមានគណនីហ្វេសប៊ុក Socheata Hy បានបង្ហោះទាំងការខឹងសម្បារ ដោយជួបនឹងករណីអ្នកបើកកង់បីឥណ្ឌាម្នាក់ បានបន្លំយកលុយរបស់នាង ដោយមិនព្រមអាប់លុយមកវិញ រួចជិះទៅបាត់ ខណៈដែលនាងកំពុងតែយកអីវ៉ាន់ចុះ ដោយប្រភពដដែលបានបង្ហាញអត្តសញ្ញាណអ្នកបើកកង់បីឥណ្ឌា ដោយកង់បីមានពាក់ផ្លាកលេខ ត្បូងឃ្មុំ 1G-7898 ពណ៏ស លេខទូរស័ព្ទ ០៨១ ៥៦៤ ៥៣៩។

ដោយម្ចាស់គណនីហ្វេសប៊ុកដដែលបានសរសេររៀបរាប់ថា៖ “រត់….ឬក៏ចោរ បានជាខ្ញុំជិះអស់តែ25000៛ សោះអោយលុយទៅ ២០$ អាលែងតែរៀបអីវ៉ាន់ចុះ ស្រាប់តែវាជិះយ៉ាងលឿនអត់អាប់លុយអោយ ខំស្រែកយ៉ាងម៉េចក៏មិនឈប់ដែល។ សំខាន់ខលទៅបិទទូរសព្ទ័មិនលើកម៉ាអាពស់ចឹកកណ្ដាលទ្រូង បងប្អូនប្រុងប្រយត្ន័ទាំងអស់គ្នាជាមួយអាឆ្កួតម្នាក់នេះ ថោកទាបណាស់”៕