មកស្គាល់ពីអត្ថន័យ និងនិមិត្តសញ្ញាផ្លូវការ តំណាងឲ្យខេត្តកំពង់ធំ

យោងតាមសេចក្តីប្រកាសរបស់ក្រសួងមហាផ្ទៃស្តីពីការបង្កើត និងដាក់ឲ្យប្រើប្រាស់នូវនិមិត្តសញ្ញាខេត្តកំពង់ធំ ដោយត្រូវបានកំណត់ដូចខាងក្រោមនេះ៖

+ មានរាងមូល

+ រូបប្រាសាទយាយព័ន្ធ៖ តំណាងឲ្យភាពរុងរឿងនៃស្ថាបត្យកម្មខ្មែរនាសតវត្សទី៧ ដែលមាននៅក្នុងតំបន់ប្រាសាទសំបូរព្រៃគុក នាទឹកដីខេត្តកំពង់ធំ និងតំណាងឲ្យជំនឿរបស់ខ្មែរបុរាណក្នុងការគោរពព្រហ្មញ្ញសាសនា

+ រូបបដិមាតោ៖ តំណាងឲ្យភាពអស្ចារ្យនៃសិល្បៈខ្មែរនាចុងសម័យចេនឡាក្នុងតំបន់ប្រាសាទសំបូរព្រៃគុក និងតំណាងឲ្យអំណាច អានុភាពខ្លាំងក្លា

+ រូបដំរីជាន់ខ្លា៖ តំណាងឲ្យរូបសំណាក់ ដែលមាននៅក្នុងខេត្តកំពង់ធំ តាំងពីអំឡុងទសវត្សទី៦០ ហើយឆ្លុះបញ្ចាំងពីតថភាពធនធានធម្មជាតិនៃខេត្តកំពង់ធំ

+ កួរស្រូវ៖ តំណាងឲ្យភាពសម្បូរសប្បាយ និងភាពរុងរឿងនៃវិស័យកសិកម្ម ពិសេសគឺភោគផលនៃដំណាំស្រូវ

+ ដើមឈើ៖ តំណាងឲ្យការរីកចម្រើនលើវិស័យកសិឧស្សាហកម្ម ដែលខេត្តកំពង់ធំសំបូរដោយដីមានជីជាតិ អំណោយផលដល់ដំណាំកសិកម្ម និងកសិឧស្សាហកម្ម

អត្ថបទ៖ សេម