ត្រៀមអាវភ្លៀងផង! អំឡុងពេលមួយអាទិត្យក្រោយនេះ អាចនឹងមានភ្លៀងធ្លាក់ជាហូរហែ

យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា បាតុភូត (El Nino) នៅតែបន្តមានឥទ្ធិពលនៅឡើយ ហើយចាប់ពីថ្ងៃទី១២ ដល់ថ្ងៃទី១៨ ខែឧសភា ស្ថានភាពអាកាសធាតុមានដូចខាងក្រោម៖

១- បណ្តារាជធានី-ខេត្តនៅតំបន់វាលទំនាប និងតំបន់មាត់សមុទ្រ នឹងមានភ្លៀងធ្លាក់ជាបន្តបន្ទាប់ ក្នុងកម្រិតពីមធ្យមទៅបង្គួរ តែក្នុងនោះក៏មានកន្លែងមួយចំនួនមានភ្លៀងធ្លាក់ច្រើន

២-បណ្តាខេត្តនៅតំបន់ខ្ពង់រាបភាគខាងជើង និងខ្ពង់រាបភាគឦសាន នឹងមានភ្លៀងធ្លាក់ពីតិចទៅមធ្យម

៣-បាតុភូតផ្គររន្ទះ និងខ្យល់កន្ត្រាក់នៅតែបន្តកើតមានច្រើន

៤-សីតុណ្ហភាពអតិបរមាស្ថិតក្នុងចន្លោះពី ៣៤-៣៧អង្សាសេ៕

អត្ថបទ៖ សេម