លោកជំទាវម្នាក់នាំកូនប្រុស ដែលបានផ្ទុះអាវុធនៅក្នុងក្លឹបធ្វើឲ្យនារីម្នាក់របួសភ្លៅ មកប្រគល់ឲ្យសមត្ថកិច្ច

រាជធានីភ្នំពេញ៖ កាលពីវេលាម៉ោងប្រមាណ ១៦និង០០នាទី ថ្ងៃទី២៩ ខែឧសភា ឆ្នាំ២០១៩ ជនសង្ស័យម្នាក់ ពាក់ព័ន្ធករណី ផ្ទុះអាវុធនៅក្នុងបន្ទប់ទឹក ក្លឹបលុចសារី បណ្តាលឲ្យនារីម្នាក់របួសភ្លៅ បានស្ម័គ្រចិត្តចូលសារភាព ដោយត្រូវបានលោកជំទាវ ញ៉ែម មរកត ដែលជាម្តាយជនសង្ស័យ បាននាំយកកូនមកដល់ កងរាជអាវុធហត្ថរាជធានីភ្នំពេញហើយ។ ជនសង្ស័យឈ្មោះ វីន សុក្របញ្ញា អាយុ២៧ឆ្នាំកំពុងត្រូវបានសមត្ថកិច្ចជំនាញនៃកងរាជអាវុធហត្ថរាជធានីភ្នំពេញធ្វើការសាកសួរដើម្បីកសាងសំណុំរឿងតាមនិតិវិធីច្បាប់៕

ប្រភព៖ កងរាជអាវុធហត្ថរាជធានីភ្នំពេញ