ករណីចោរលួចរថយន្តលើកនេះគឺជាមេរៀន! សូមឪពុកម្តាយគ្រប់រូបប្រុងប្រយ័ត្ន មិនត្រូវបញ្ឆេះម៉ាស៊ីនឡានទុកកូនចោលក្នុងរថយន្ត នេះសំណាងល្អហើយ បានសមត្ថកិច្ចជួយបានទាន់ពេល

មានការភ្ញាក់ផ្អើលជាខ្លាំងក្រោយពីមានករណីជនសង្ស័យលួចរថយន្ត Highlander មួយគ្រឿង ពាក់ស្លាកលេខភ្នំពេញ​ 2S-4126 ពណ៍ទឹកប្រាក់​ ចេញពីម្ដុំអាងទឹកអូឡាំពិក​ ខណៈដែលម្ចាស់រថយន្ត​ ឈប់បញ្ឆេះរថយន្តចោល​ ចុះទិញប្រហិត និងទុកកូន២នាក់លេីរថយន្ត ស្រាប់តែជនសង្ស័យ​ឡេីងរថយន្តបេីកចេញទៅតែម្ដង។ ហេតុការណ៍នេះបានកើតឡើងកាលពីវេលាម៉ោង​ជាង០៨យប់ថ្ងៃទី១៤​ ខែមិថុនា​ ឆ្នាំ២០១៩ ម្ដុំកន្លែងលក់ប្រហិត​និងបុកល្ហុង នៅចំណុចផ្លូវ១៤៣​ កែង២៧៨ ​ស្ថិតក្នុងសង្កាត់អូរឡាំពិក​ ខណ្ឌចំការមន​ រាជធានីភ្នំពេញ​។

បន្ទាប់ពីទទួលបាន​ដំណឹងភ្លាម​​ សមត្ថកិច្ចបានធ្វេីការទំនាក់ទំនងគ្រប់បណ្តាគោល​ដៅ ប៉ុស្តិ៍​ ខណ្ឌដេីម្បីស្វែងរក​ និងស្ទាក់ចាប់រថយន្តដែលជនល្មេីសបានលួចចេញពីសង្កាត់អូឡាំពិក ខណ្ឌចំការមន​។ ​លុះក្រោយមកកម្លាំងនគរបាលខណ្ឌមានជ័យបានប្រទះឃេីញនៅតាមបណ្ដោយផ្លូវ២៧១ ទេីបកម្លាំងកងអន្តរាគមន៍ប្រដេញតាមរហូតដល់ផ្លូវ២៧១ ត្រង់ចំណុចច្រមុះជ្រូកក្បាលថ្នល់ ទល់មុខ​អតីតក្លឹប​កម្សាន្ត Cool ស្ថិតក្នុងសង្កាត់ចាក់អង្រែលើ​ ខណ្ឌមានជ័យ​ ខណៈដែលចរាចរណ៍មានការកកស្ទះនិង​មមាញឹក​ទៀតនោះ ទេីបធ្វេីឲ្យជនសង្ស័យសម្រេចចិត្តប្លុងរថយន្តចោល រួចបេីកទ្វាររត់គេចខ្លួនបាត់ កម្លាំងនគរបាលខណ្ឌមានជ័យ បានយកចិត្តទុកដាក់​មេីលរក្សាការពារក្មេងឲ្យមានសុវត្ថិភាពសិន​ ហេីយសមត្ថកិច្ចបានប្រគល់រថយន្ត​ និងក្មេងទាំងពីរនាក់ជូនទៅឪពុកម្តាយវិញ៕

ប្រភព៖ បង ម៉េង អ្នកសារព័ត៌មាន
ដោយ៖ ណារ៉ែន