ទិដ្ឋភាពទាំងស្រុងនៃកម្មវិធីដាំដើមឈើក្នុង ស្រុកមេសាង ខេត្តព្រៃវែង កាលពីថ្ងៃទី១៦ ខែមិថុនា ឆ្នាំ២០១៩ កន្លងទៅនេះ

ដូចដែលបងប្អូនបានដឹងស្រាប់ហើយថា កាលពីកន្លងទៅថ្មីៗនេះ តាន់ គឹមសួរ និងសិល្បករ សិល្បការិនីជាច្រើនរួបរួមគ្នាដើម្បីដាំដើមឈើព្យាបាលដំបៅផែនដី។ ក្នុងនោះប្រធានសមាគមសិល្បករខ្មែរអ្នកនាង ចន ច័ន្ទលក្ខិណា ក៏បានប្រកាសអំពាវនាវឲ្យបងប្អួនចូលរួមផងដែរ ដោយនៅថ្ងៃទី១៦ មិថុនានេះ អ្នកនាង និងក្រុមមិត្តសិល្បករមួយចំនួនបានចូលរួមកម្មវិធីដាំដើមឈើ២៥០០ដើមនៅខេត្តព្រៃវែង។

លោក តាន់ គឹមសួរ ក៏បានបង្ហោះទិដ្ឋភាពទាំងស្រុងនៃកម្មវិធីដាំដើមឈើនេះជាមួយសារមួយឃ្លាថា «យើងប្រើពេលមិនដល់ ១០នាទីផងក្នុងការដាំ តែយើងត្រូវចំណាយពេលរហូតទៅដល់៥ឆ្នាំក្នុងការមើលថែ។ ដាំស្រួលទេ តែការមើលថែ គឺជារឿងដែលពិបាកខ្លាំងហើយត្រូវទាមទារឲ្យមានការយកចិត្តទុកដាក់ខ្ពស់។ បើគ្រាន់តែដាំដើម្បីឲ្យតែល្អមើល ដើម្បីថតរូបទេ មិនបាច់ដាំល្អជាង ព្រោះវាខាតទាំងពេល ខាតទាំងថវិកា»៕ អត្ថបទ៖មេសា