ពុទ្ធោ! ក្មេងប្រុសដែលល្បីថាជាសះស្បើយពីជម្ងឺឆ្កែឆ្កួតនោះ ឥឡូវជម្ងឺរើឡើងវិញនិងកាន់តែធ្ងន់ធ្ងរជាងមុន

កាលពីដើមខែមិថុនា មហាជនជនជាច្រើនបានសម្តែងការភ្ញាក់ផ្អើលថាក្មេងប្រុសម្នាក់ រស់នៅក្នុង​ភូមិ​៣ ឃុំ​ត្រពាំង​ក្រហម ស្រុក​កូន​មុំ ខេត្តរតនគិរីអាចរស់រានមានជីវិត និងជាសះស្បើយពីជម្ងឺឆ្កែឆ្កួតបាន១០០ភាគរយមានស្មារតីឡើងវិញ និងមានទឹកមុខស្រស់ស្រាយ។

ប៉ុន្តែបានត្រឹមតែរយៈពេលបានមួយខែប៉ុណ្ណោះក្មេងប្រុសរូបនេះក៏មានអាការៈរើឡើងនូវជម្ងឺឆ្កែឆ្កួតប្រកាច់យ៉ាងធ្ងន់ធ្ងរ ដោយនៅពេលនេះកំពុងតែសម្រាកព្យាបាលនៅមន្ទីរពេទ្យ​បង្អែក​ខេត្ត​រតនគិរី។ គួររំលឹកផងដែលថាក្មេងប្រុសខាងលើត្រូវបានឆ្កែខាំត្រូវជើងក្នុងខែមេសា រហូតកើតជម្ងឺឆ្កែឆ្កួតលែងមានស្មារតីស្រែកព្រុស និងលូ ប្រកាច់ពេញផ្ទះរហូតត្រូវម្តាយចាប់ចងនឹងសសរ ធ្វើឲ្យមហាជនជាច្រើនសម្តែងការតក់ស្លុតជាខ្លាំង៕

កាលជាពីជម្ងឺឆ្កែឆ្កួត

ជម្ងឺរើឡើងវិញ

ដោយ៖ ណារ៉ែន