ដឹងទេថា ប្រជាពលរដ្ឋខ្មែរ ដែលមានប័ណ្ណបើកបរបរទេសចង់ប្តូរយកប័ណ្ណបើកបរជាតិ ត្រូវការឯកសារអ្វីខ្លះ?

យោងតាមការបញ្ជាក់ពីមន្ទីរសាធារណការ និងដឹកជញ្ចូនរាជធានីភ្នំពេញបានឲ្យដឹងថា ប្រជាពលរដ្ឋខ្មែរ ដែលមានប័ណ្ណបើកបរយានយន្តនៅមានសុពលភាព ដែលចេញដោយអាជ្ញាធរមានសមត្ថកិច្ចបរទេស អាចធ្វើការស្នើរសុំប្តូមកប័ណ្ណបើកបរជាតិបាន ដោយគ្រាន់តែភ្ជាប់សំណុំឯកសារដូចជា៖ ទី១. អត្តសញ្ញាណប័ណ្ណសញ្ជាតិខ្មែរ ទី២. ប័ណ្ណបើកបរយានយន្ត ដែលត្រូវប្តូរ ទី៣. លិខិតបញ្ជាក់កាយសម្បទា និងទី៤. រូបថត ៤x៦ ផ្ទៃពណ៌ស។

ក្នុងករណីអាសយដ្ឋាបច្ចុប្បន្ន ខុសពីអាសយដ្ឋាននៅក្នុងអត្តសញ្ញាណប័ណ្ណសញ្ជាតិខ្មែរ សាមីខ្លួនត្រូវភ្ជាប់សៀវភៅស្នាក់នៅ ឬសៀវភៅគ្រួសារមកជាមួយ។ ហើយបើកប័ណ្ណបើកបរមិនសរសេរជាភាសាអង់គ្លេស ឬភាសាបារាំងទេនោះ ត្រូវធ្វើការបកប្រែជាភាសាខ្មែរ ដោយមានការបញ្ជាក់ទទួលស្គាល់ពីច្រកចេញចូលតែមួយនៃរដ្ឋបាលថ្នាក់ក្រោមជាតិ៕

អត្ថបទ៖ សេម