នាយករដ្ឋមន្ត្រីរបស់រុស្ស៊ីប្រកាសលាលែងពីដំណែង ខណៈលោក Vladimir Putin ស្នើឱ្យមានការកែទម្រង់នយោបាយទ្រង់ទ្រាយធំ

នាយករដ្ឋមន្រ្តីរុស្ស៊ីលោក Dmitry Medvedev បានប្រកាសលាលែងពីរដ្ឋាភិបាលរបស់លោកកាលពីថ្ងៃពុធ ម្សិលមិញនេះ បន្ទាប់ពីប្រធានាធិបតី Vladimir Putin (វ្លាឌីមៀពូទីន) បានស្នើឱ្យមានកំណែទម្រង់នយោបាយថ្មីមួយ។ អ្នកវិភាគខ្លះយល់ថា ចំណាត់ការនេះជាជំហានមួយរបស់ប្រធានាធិបតី ដើម្បីរក្សាអំណាចរបស់គាត់នៅក្នុងរចនាសម្ព័ន្ធនយោបាយរបស់ប្រទេស បន្ទាប់ពីការកាន់កាប់របស់គាត់បញ្ចប់នៅឆ្នាំ២០២៤។ នៅក្នុងសុន្ទរកថាសហជីពប្រចាំឆ្នាំរបស់លោក ពូទីន បានស្នើឱ្យមានការធ្វើប្រជាមតិមួយ ដើម្បីធ្វើវិសោធនកម្មរដ្ឋធម្មនុញ្ញ និងពង្រឹងអំណាចនៃសភាជាន់ទាបក្នុងការតែងតាំងនាយករដ្ឋមន្រ្តី និងរដ្ឋមន្រ្តីគណៈរដ្ឋមន្រ្តីផ្សេងទៀត។

កំណែទម្រង់នេះក៏នឹងជួយបង្កើនឋានៈក្រុមប្រឹក្សារដ្ឋ ដែលជាស្ថាប័នប្រឹក្សាមួយដល់ប្រធានាធិបតី និងដឹកនាំដោយលោក ពូទីន ផ្ទាល់។ លោក Dmitry Medvedev បានប្រកាសពីការលាលែងពីរដ្ឋាភិបាល ដោយនិយាយថា វានឹងផ្តល់សមត្ថភាពដល់ប្រធានាធិបតីក្នុងការសម្រេចចិត្តគ្រប់យ៉ាងទាំងអស់។ លោកបាននិយាយថា សំណើរបស់ ពូទីន នឹងមានការផ្លាស់ប្តូរយ៉ាងច្រើនចំពោះរដ្ឋធម្មនុញ្ញ។ ប៉ុន្តែយ៉ាងណាលោក ពូទីន បានសរសើរលោក Dmitry Medvedev ចំពោះការងាររបស់លោក ដោយនិយាយថា លោកបានដឹកនាំរដ្ឋាភិបាលជានាយករដ្ឋមន្រ្តីយូរជាងអ្នកដទៃទៀត ចាប់តាំងពីការដួលរលំនៃសហភាពសូវៀត។

លោកប្រធានាធិបតី វ្លាឌីមៀ ពូទីន បាននិយាយថា លោកមានបំណងបង្កើតតំណែងជាអនុលេខាធិការនៃក្រុមប្រឹក្សាសន្តិសុខរបស់ប្រទេសនេះ និងបានផ្តល់មុខតំណែងថ្មីដល់លោក Dmitry Medvedev ផងដែរ។ ក្រុមប្រឹក្សាដែលដឹកនាំដោយលោក ពូទីន គ្រប់គ្រងគោលនយោបាយការទូត និងយោធារបស់ប្រទេស។ បន្ទាប់ពីនេះមកលោក ពូទីន ក៏បានទៅជួបជាមួយប្រធានសេវាកម្មពន្ធរុស្ស៊ីលោក Mikhail Mishustin និងបានស្នើឱ្យគាត់ចុះចេញ និងដាក់លោក Dmitry Medvedev ជំនួសវិញ៕

អត្ថបទ៖ លីដា