ប្រទេសចិននិយាយថា មានថ្នាំ ៣ប្រភេទ ដែលអាចទប់ស្កាត់វីរុសកូរ៉ូណាបាន

អ្នកស្រាវជ្រាវចិនបានរកឃើញថ្នាំដែលមានស្រាប់ចំនួន ៣ប្រភេទ ដែលមានឥទ្ធិពលទប់ស្កាត់ល្អលើវីរុសកូរ៉ូណាវ៉ា (2019-nCoV) ក្នុងកម្រិតទប់​ស្កាត់​ត្រង់​កោសិកា (Cellular level)។ ។ ថ្នាំទាំង ៣ ប្រភេទនោះគឺថ្នាំ Remdesivir, Chloroquine និង Ritonavir ។ យោងតាម Hubei Daily បាននិយាយកាលពីថ្ងៃពុធថា ពួកគេកំពុងស្ថិតក្រោមនីតិវិធីពាក់ព័ន្ធ ដើម្បីទទួលបានការយល់ព្រមសម្រាប់ការប្រើប្រាស់ក្នុងគ្លីនិក។ ការរកឃើញនេះត្រូវបានធ្វើឡើងរួមគ្នា ដោយក្រុមអ្នកស្រាវជ្រាវមកពីបណ្ឌិត្យសភាវិទ្យាសាស្ត្រវេជ្ជសាស្ត្រយោធា និងវិទ្យាស្ថានវូហាននៃវិសាណូសាស្ដ្រ (WIV) ក្រោមបណ្ឌិត្យសភាវិទ្យាសាស្ត្រចិន (CAS) ។

កាលពីមុនអ្នកស្រាវជ្រាវមកពីវិទ្យាស្ថានស៊ាងហៃ Materia Medica នៅក្រោមបណ្ឌិត្យសភាវិទ្យាសាស្ត្រចិន និងសាកលវិទ្យាល័យសៀងហៃថិក បានរួមគ្នាជ្រើសរើសថ្នាំដែលមានស្រាប់ចំនួន ៣០ប្រភេទ ជីវសាស្រ្តសកម្ម និងថ្នាំបុរាណចិន ដែលអាចមានឥទ្ធិពលព្យាបាលលើមេរោគដ៏សាហាវនេះ។ ថ្នាំដែលត្រូវគេបានជ្រើសរើសរួមមានថ្នាំប្រឆាំងនឹងមេរោគអេដស៍ចំនួន ១២ មុខដូចជា Indinavir, Saquinavir, Lopinavir និង Carfilzomib, ថ្នាំប្រឆាំងនឹងមេរោគផ្លូវដង្ហើម ២ ប្រភេទ, ថ្នាំប្រឆាំងនឹងជំងឺសរសៃប្រសាទ, ថ្នាំការពារភាពស៊ាំ ក៏ដូចជាថ្នាំបុរាណចិន រួមទាំង Polygonum cuspidatum។

គួរឱ្យដឹងដែរថា ចាប់តាំងពីការផ្ទុះឡើងនៃ 2019-nCoV ក្រុមស្រាវជ្រាវជាច្រើន ដែលដឹកនាំដោយ WIV បានធ្វើការស្រាវជ្រាវលើទិដ្ឋភាពចំនួន ៥ រួមមានផលិតផលរកឃើញយ៉ាងរហ័ស ថ្នាំប្រឆាំងវីរុស និងវ៉ាក់សាំង ការស្រាវជ្រាវពីសត្វ ក៏ដូចជាការស្រាវជ្រាវផ្នែក etiology និងរោគរាតត្បាត៕

អត្ថបទ៖ លីដា