អបអរសាទរ​! ‘Parasite’ ក្លាយជាខ្សែភាពយន្តអាស៊ីដំបូងគេដែលឈ្នះពាន ‘Original Screenplay’ នៅក្នុងកម្មវិធី Oscars

‘Parasite’ ទើបតែបានឈ្នះពានរង្វាន់ដំបូងរបស់ខ្លួននៅក្នុងកម្មវិធីប្រគល់ពានរង្វាន់ Academy Awards លើកទី ៩២ ដោយអ្នកដឹកនាំរឿងលោក Bong Joon Ho និងអ្នក​សរសេរ​រឿងលោក Han Jin Won បានឡើងទៅយកពានរង្វាន់ “Best Original Screenplay” ដែលជាពានរង្វាន់សម្រាប់ការសសេររឿង និងការបង្កើតឈុតថ្មីដ៏ល្អ។

ខ្សែភាពយន្ត ‘Parasite’ បានឈរឈ្មោះប្រកួតប្រជែងដណ្តើមពាននេះជាមួយនឹងខ្សែភាពយន្តល្បីៗជាច្រើនដូចជា “Once Upon a Time … in Hollywood”, “Marriage Story”, “Knives Out” និង “1917”។ ហើយ’Parasite’ ក្លាយជាខ្សែភាពយន្តអាស៊ីដំបូងគេដែលឈ្នះពាន ‘Original Screenplay’ នៅក្នុងកម្មវិធី Oscars នេះ៕