អគ្គនាយក WHO អរគុណថ្នាក់ដឹកនាំ និងក្រសួងសុខាភិបាលកម្ពុជា បន្ទាប់ពីអ្នកដំណើរទាំង២០នាក់ ដែលបានយកសំណាកទៅពិនិត្យ គ្មានវីរុសកូរ៉ូណា COVID-19
- BY
- autoadmin
- February 15, 2020
ថ្នាក់ដឹកនាំរបស់អង្គការសុខភាពពិភពលោក ជាថ្មីម្ដងទៀតបានអរគុណដល់ព្រះរាជាណាចក្រកម្ពុជា។ លោក Tedros Adhanom Ghebreyesus អគ្គនាយកនៃអង្គការសុខភាពពិភពលោក បានមានសេចក្ដីរីករាយយ៉ាងខ្លាំង ដោយសារថាអ្នកដំណើរទាំង ២០នាក់ ដែលត្រូវបានកម្ពុជានាំយកសំណាករបស់ពួកគេទៅពិនិត្យនៅឯវិទ្យាស្ថានបាស្ទ័រ គឺត្រូវបានគេធ្វើតេស្ដអវិជ្ជមានចំពោះវីរុសកូរ៉ូណា COVID-19។ លោកបានសរសើរដល់ក្រសួងសុខាភិបាល និងរាជរដ្ឋាភិបាលកម្ពុជា ជាពិសេសគឺសម្ដេច ហ៊ុន សែន ដែលមិនត្រឹមតែបើកផ្លូវឱ្យនាវាវេស្ទើដាមប៉ុណ្ណោះទេ ថែមទាំងយកចិត្តទុកដាក់ចំពោះអ្នកទេសចរណ៍ដែលនៅលើនាវាផងដែរ។
អគ្គនាយកលោក Tedros Adhanom Ghebreyesus បានសរសេរនៅលើគណនី Twitter របស់គាត់ថា៖ «ក្រសួងសុខាភិបាល #កម្ពុជា ទើបតែប្រកាសថា អ្នកដំណើរទាំង ២០នាក់ ពីនាវាទេសចរណ៍វេស្ទើដាម (Westerdam) បានធ្វើតេស្តអវិជ្ជមានសម្រាប់វីរុស #COVID-19។ វាជាដំណឹងល្អណាស់។ ខ្ញុំសូមថ្លែងអំណរគុណដល់ក្រសួង និងរដ្ឋាភិបាលកម្ពុជាជាថ្មីម្តងទៀតចំពោះសាមគ្គីភាព និងសេចក្ដីករុណា»។ លោកអគ្គយកក៏បានបន្ថែមនៅក្នុងការបង្ហោះមួយផ្សេងទៀតនៅលើបណ្ដាញសង្គមថា លោកសង្ឃឹមថាប្រទេស និងថ្នាក់ដឹកនាំដទៃទៀត នឹងយកគំរូតាមទឹកចិត្តរបស់កម្ពុជា៕
Ministry of Health #Cambodia just announced that all 20 passengers from the #Westerdam cruise ship tested negative for #COVID19. Very good news. I thank the Ministry and the government again for their solidarity and humanity.
— Tedros Adhanom Ghebreyesus (@DrTedros) February 13, 2020
#Cambodia has demonstrated real solidarity in support of the #COVID19 response. We hope all countries and leaders will follow their lead. Together, for a safer world. https://t.co/uGujV49LsW
— Tedros Adhanom Ghebreyesus (@DrTedros) February 14, 2020
អត្ថបទ៖ លីដា
- Share This Post: