ចូលរួមរំលែកទុក្ខ! គ្រូពេទ្យ២នាក់ទៀតហើយ បានស្លាប់ដោយសារតែវីរុសកូរ៉ូណា

យោងតាមប្រភពព័ត៌មានបរទេសបានឲ្យដឹងថា គ្រូពេទ្យស្រីម្នាក់មានឈ្មោះ Xia Sisi អាយុ២៩ឆ្នាំ ដែលបម្រើការងារនៅមន្ទីរពេទ្យ Union Jiangbei នៅក្នុងទីក្រុង Wuhan ខេត្ត Hubei បានស្លាប់បាត់បង់ជីវិត ក្រោយឆ្លងវីរុសកូរ៉ូណាដ៏កាចសាហាវ។ ប្រភពព័ត៌មានដដែលបានបន្ថែមទៀតថា មិនដល់២៤ម៉ោងផង ស្រាប់តែមានគ្រូពេទ្យម្នាក់ទៀតមានឈ្មោះ Huang Wenjun អាយុ៤២ឆ្នាំ បម្រើការងារនៅមន្ទីរពេទ្យ Xiaogan Central ខេត្ត Hubei ក៏បានស្លាប់បាត់បង់ជីវិតផងដែរ ក្រោយឆ្លងវីរុសកូរ៉ូណាដូចគ្នា។

យោងតាមរបាយការណ៍ចុងក្រោយបានឲ្យដឹងថា ចំនួនអ្នកឆ្លងវីរុសកូរ៉ូណានៅទូទាំងពិភពលោកបានកើនឡើងរហូតដល់ ៧៩ ៦៣៦នាក់ ហើយអ្នកស្លាប់ដោយសារវីរុសនេះបានកើនឡើងរហូតដល់ ២ ៦២១នាក់៕

វេជ្ជបណ្ឌិត Huang Wenjun

វេជ្ជបណ្ឌិត Xia Sisi

អត្ថបទ៖ សេម
ប្រភព៖ dailymail