កុំឲ្យជនឆ្លៀតឱកាសប្រមូលទិញទឹកលាងដៃតែឯង ផ្សារទំនើបមួយនៅដាណឺម៉ាកលក់ទឹកលាងដៃ ១ដបតែជាង៥ដុល្លារប៉ុណ្ណោះ បើយក២ដបតម្លៃ១៤៦ដុល្លារ យកកាន់តែច្រើនកាន់តែថ្លៃ
ដាណឺម៉ាក៖ ដើម្បីឆ្លើយតបនឹងភាពចលាចលក្នុងការទិញទឹកលាងដៃក្នុងអំឡុងពេលនៃការរាតត្បាតមេរោគកូវីដ ១៩ ផ្សារទំនើបមួយកន្លែងនៅក្នុងប្រទេសដាណឺម៉ាកបានដាក់ចេញនូវវិធានការគ្រប់តម្លៃដ៏ឆ្លាតវ័យមួយដោយផ្សារនឹងគិតថ្លៃច្រើនទ្វេដងសម្រាប់អ្នក ដែលទិញទឹកលាងដៃក្នុងបរិមាណច្រើន។ បើតាមសេចក្តីប្រកាសរបស់ផ្សារទំនើបខាងលើបានបញ្ជាក់ថា ទឹកលាងដៃមួយដបមានតម្លៃត្រឹមតែ ៥,៨០ ដុល្លារអាមេរិកប៉ុណ្ណោះ តែបើទិញទឹកលាងដៃចំនួន ២ដបនោះតម្លៃសរុបនឹងកើនដល់ ១៤៦ ដុល្លារអាមេរិក។ អ្នកទិញទឹកលាងដៃកាន់តែច្រើនតម្លៃនឹងកាន់តែឡើងខ្ពស់ទៅតាមនោះដែរ។ វិធានការនេះត្រូវដាក់ចេញដើម្បីធានាឲ្យប្រជាពលរដ្ឋម្នាក់ៗមានឱកាសស្មើគ្នាក្នុងការទិញទឹកលាងដៃយកទៅប្រើប្រាស់។ ក្រៅតែពីអនុវត្តវិធានការខាងលើផ្សារទំនើបដដែលនេះក៏បានដាក់ចេញនូវការវិធានការជាច្រើនបន្ថែមទៀតដូចជា៖
-ស្នើឲ្យអតិថិជនទាំងអស់ត្រូវរក្សាគម្លាតឲ្យនៅឆ្ងាយៗពីគ្នាពេលមកទិញឥវ៉ាន់
-ស្នើឲ្យអតិថិជនមកតែម្នាក់ឯងបានហើយកុំនាំសមាជិកគ្រួសារមកតាមអី ដើម្បីកុំឲ្យមានមនុស្សច្រើនកកកុញ
-មុនចូលផ្សារត្រូវលាងដៃ និងពាក់ស្រោមដៃពេលដើរទិញឥវ៉ាន់៕
A supermarket in Denmark got tired of people hoarding hand sanitizer, so came up with their own way of stopping it.
1 bottle kr40 (€5.50)
2 bottles kr1000 (€134.00) each bottle.Hoarding stopped!#COVID19 #coronavirus #Hoarding pic.twitter.com/qaJb7UZwLr
— 𝙎𝙘𝙝𝙪𝙚𝙧𝙢𝙖𝙣𝙣 🕯️ 🇪🇺🇩🇰🇩🇪🇸🇬 (@_schuermann) March 15, 2020
អត្ថបទ៖ ភក្តី