ឡាន ម៉ូតូ និង ផាសអេប ដែលអត់ស្លាកលេខទាំងអស់ មិនត្រូវផាកពិន័យទេ អោយតែមានបង្កាន់ដៃធ្វើស្លាកលេខ

​រាជធានី​ភ្នំពេញ​៖​ ចាប់តាំងពីថ្ងៃទី០១ ខែឧសភា ឆ្នាំ២០២០ មក អគ្គស្នងការនគរបាលជាតិ នឹងចាប់ផ្តើមធ្វើការរឹតបន្តឹងការអនុវត្តច្បាប់ចរាចរណ៍ផ្លូវគោក នៅទូទាំងប្រទេស ដើម្បីកាត់បន្ថយគ្រោះថ្នាក់ចរាចរណ៍ ការពារអាយុជីវិត និងទ្រព្យសម្បត្តិប្រជាពលរដ្ឋ និងកាត់បន្ថយអត្រាការស្លាប់ រងរបួស និងពិការ ដោយសារគ្រោះថ្នាក់ចរាចរណ៍។

ថ្មីៗនេះផងដែរ ស្នងការដ្ឋាននគរបាលរាជធានីភ្នំពេញ បានឲ្យធ្វើការជូនដំណឹងថា ចំពោះ រថយន្ត កង់បីឥណ្ឌា (PassApp) និងម៉ូតូទាំងឡាយណា ដែលមានបង្កាន់ដៃធ្វើស្លាកលេខពីខាងក្រសួងសាធារណការ និងដឹកជញ្ជូន ប៉ុន្តែមិនទាន់បានទទួលស្លាកលេខ គឺនឹងមិនទទួលការផាកពិន័យឡើយ៕

អត្ថបទ៖ សេម