ជួយចំគោលដៅ! មូលនិធិលោកឧកញ៉ា ហ៊ួត ជា បានជួយលោកពូដែលជាជាងសំណង់ម្នាក់ មានគ្រោះថ្នាក់ពេលកំពុងធ្វើការងារ ធ្លាក់ពីលើអគារ របួសបាក់ខួរឆ្អឹងខ្នង នៅស្រុកសង្កែ ខេត្តបាត់ដំបង
- September 23, 2020
កាលពីដើមខែកញ្ញានេះ លោកឧកញ៉ា ហ៊ួត ជា បានសម្រេចបង្កើត មូលនិធិឧកញ៉ា ហ៊ួត ជា ជួយដល់កម្មករសំណង់ទាំងអស់ ទូទាំងប្រទេស មានគ្រោះថ្នាក់ការងារ និងមានប្រពន្ធសម្រាលកូន។ លោកឧកញ៉ាបានសរសេរថា៖ “ខ្ញុំបាទឧកញ៉ា ហ៊ួត ជា សម្រេចបង្កេីត “មូលនិធិឧកញ៉ា ហ៊ួត ជា” ជួយដល់កម្មករសំណង់ទាំងអស់ ទូទាំងប្រទេស មានគ្រោះថ្នាក់ការងារ និងមានប្រពន្ធសម្រាលកូន (ជួយ Share ជូនដំណឹង ដល់បងប្អូនកម្មករសំណង់)។ ជុំវិញការបង្ហោះនេះដែរ បងប្អូនប្រជាពលរដ្ឋជាច្រើនបាននាំគ្នាសាទរយ៉ាងខ្លាំង ចំពោះគំនិតបង្កើតមូលនិធិនេះរបស់លោកឧកញ៉ា ហើយសង្ឃឹមថា មូលនិធិនេះនឹងជួយសម្រាលបន្ទុកបងប្អូនកម្មករសំណង់បានច្រើន។
ហើយកាលពីម្សិលមិញនេះ នារសៀលថ្ងៃទី២២ ខែកញ្ញា ឆ្នាំ២០២០ ក្រុមការងារមូលនីធិលោកឧកញ៉ា ហ៊ួត ជា បានចុះមកដល់ស្រុកសង្កែ ខេត្តបាត់ដំបង ដើម្បីចែកអំណោយ ដល់បងប្រុស រិន រមណី ជាជាងសំណង់ដែលមានគ្រោះថ្នាក់ពេលកំពុងធ្វើការងារ ធ្លាក់ពីលើអគារ របួសបាក់ខួរឆ្អឹងខ្នង កំពុងសម្រាកព្យាបាលនៅមជ្ឃមណ្ឌល ស្តារលទ្ធភាពពលកម្មអ្នកជំងឺរបួសខួរឆ្អឹងខ្នង ។ គាំទ្រមូលនិធីលោកឧកញ៉ា ហ៊ួត ជា ដូចជាបានជួយសង្គ្រោះជាងសំណង់នៅកម្ពុជា ជួយគ្នាក្នុងគ្រាមានអាសន្ន៕
- Share This Post: