អ្នកលក់ឡេពង្រីកដើមទ្រូង Live វីដេអូបង្ហាញភាពស៊ិចស៊ី និងប្រើសម្តីមិនសមរម្យល្បីពេញ Facebook ត្រូវបានស្នងការកោះហៅមកបំភ្លឺ និងធ្វើកិច្ចសន្យាបញ្ឈប់ធ្វើបែបនេះទៀត
- February 9, 2021
កាលពីពេលថ្មីៗនេះ ស្ត្រីវ័យក្មេងម្នាក់មានដើមទ្រូងធំមូលក្រឡំ បានធ្វើការ Live វិដេអូលក់ឡេពង្រីកដើមទ្រូងបង្ហាញភាពសិចស៊ី ធ្វើអោយល្បីពេញបណ្តាញសង្គម Facebook និងមានការរិះគន់យ៉ាងខ្លាំងអំពីការធ្វើអោយបាត់បង់តំលៃនារីខ្មែរ ពេលនេះម្ចាស់ Facebook ឈ្មោះ J No Cosmetic រូបនោះត្រូវបានសមត្ថកិច្ចធ្វើការកោះហៅមកបំភ្លឺ និងធ្វើកិច្ចសន្យា នៅស្នងការដ្ឋាននគរបាលរាជធានីភ្នំពេញ។
យោងតាមការរៀបរាប់នៅលើ Facebook ស្នងការរាជធានីភ្នំពេញបានអោយដឹងថា៖ “សេចក្តីបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ស្ត្រីម្នាក់ឈ្មោះ មុឹង ស្រីនួន ប្រេីប្រាស់គណនីហ្វេសបុកឈ្មោះ J No Cosmetic ដែលបានឡាយបង្ហាញភាពសុិចសុីជ្រុល និងប្រេីប្រាស់កាយវិការ និងសំដីអសីលធម៌មិនសមរម្យ ត្រូវបានសមត្ថកិច្ចកោះហៅមកបំភ្លឺ សុំទោសជាសាធារណ: និងធ្វេីកិច្ចសន្យា ដោយអនុវត្តតាមការណែនាំជាប្រចាំរបស់ថ្នាក់ដឹកនាំត្រូវមានវិធានការណ៍ចំពោះបុគ្គលទាំងឡាយណាដែលឡាយលក់ផលិតផល ដោយបានបង្ហាញភាពសុិចសុីជ្រុល ប្រេីប្រាស់កាយវិការ និងសំដីអសីលធម៌ដែលធ្វេីឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់ស្ត្រីែខ្មរ នៅថ្ងៃអង្គារ៍ទី០៩ ខែកុម្ភ: ឆ្នាំ២០២១ វេលាម៉ោង ១៤:០០នាទី សមត្ថកិច្ចជំនាញនៃការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានធ្វើការកោះហៅម្ចាស់គណនីហ្វេសបុកដែលមានឈ្មោះ J No Cosmetic និងមានម្ចាស់ឈ្មោះ ម៉ឹង ស្រីនួន ភេទស្រី អាយុ២៧ឆ្នាំ ជនជាតិខ្មែរ សញ្ជាតិខ្មែរ មុខរបរ អ្នកលក់អនឡាញ អាស័យដ្ឋានបន្ទប់ជួល ក្រុមទី៥ សង្កាត់ទឹកថ្លា ខណ្ឌសែនសុខ រាជធានីភ្នំពេញ ដែលបានឡាយលក់ផលិតផលដោយបង្ហាញភាពសុិចសុីជ្រុលហួសហេតុ ។
ដោយបានទទួលស្គាល់អំពីកំហុសដែលខ្លួនបានធ្វេី និងធ្វេីឲ្យប៉ះពាល់ដល់កិត្តិយស និងសេចក្តីថ្លៃថ្នូររបស់ស្ត្រីខ្មែរទូទៅ ម្ចាស់គណនីរូបនេះបានចូលខ្លួនមកទទួលស្គាល់កំហុស សុំទោសជាសាធារណ: ជាពិសេសស្ត្រីខ្មែរទូទៅ និងបានធ្វើកិច្ចសន្យាឈប់ធ្វើសកម្មភាពឡាយវីដេអូបញ្ចេញរូបភាពអាសអាភាស កាយវិកា និងពាក្យសម្តីមិនសមរម្យទៀតហេីយ ។ ជាចុងបញ្ចប់ស្ត្រីឈ្មោះ មុឹង ស្រីនួន បានសំណូមពរ និងសូមការអធ្យាស្រ័យពីសំណាក់សមត្ថកិច្ច និងប្រជាពលរដ្ឋខ្មែរគ្រប់រូប ជាពិសេសស្ត្រីខ្មែរទាំងអស់ ដែលគាត់បានឡាយបង្ហាញភាពសុិចសុីជ្រុល បង្ហាញកាយវិការ និងប្រេីប្រាស់សម្តីអសីលធម៌ដែលជាទង្វេីអាក្រក់ និងសង្គមស្អប់ខ្ពេីម ។ បន្ទាប់ពីបានសារភាពទទួលស្គាល់កំហុស និងធ្វេីកិច្ចសន្យារួច សមត្ថកិច្ចក៏បានអនុញ្ញាតឲ្យស្ត្រីរូបនេះត្រឡប់ទៅលំនៅដ្ឋានវិញនៅម៉ោង ១៧:៣០នាទី ៕”
- Share This Post: