ព្រឹកនេះ កម្ពស់ទឹកទន្លេសេកុងបានកើនឡើងហួសកម្រិតប្រកាសអាសន្នហើយ

ខេត្តស្ទឹងត្រែង៖ យោងតាមការបញ្ជាក់ពីក្រសួងធនធានទឹក និងឧតុនិយមបានឲ្យដឹងថា គិតត្រឹមម៉ោង ៦ ព្រឹកថ្ងៃទី២៦ ខែកក្កដា ឆ្នាំ ២០១៨ នេះ ទឹកទន្លេសេកុង ក្នុងខេត្តស្ទឺងត្រែង បានបន្តកើនឡើងរហូតដល់កម្ពស់ ១១.៨៤ម៉ែត្រ គឺលើសពីកម្រិតប្រកាសអាសន្ន (កម្រិតប្រកាសអាសន្ន ១១.៥០ម៉ែត្រ) ។ ពេលនេះទឹកបានបន្តជន់លិចចូលតាមដងផ្លូវ និងផ្ទះប្រជាពលរដ្ឋក្នុងស្រុកសៀមប៉ាងមួយចំនួនបន្ថែមទៀត ខណៈប្រជាពលរដ្ឋជាងមួយពាន់គ្រួសារ ត្រូវបានជម្លៀសទៅកាន់ទីទួលសុវត្ថិភាពជាបន្តបន្ទាប់៕

អត្ថបទ៖ សេម
រូបភាព៖ ក្រសួងធនធានទឹក និងឧតុនិយម