ទឹកស្ទឹងសង្កែ នៅខេត្តបាត់ដំបងឡើងជិតដល់កម្រិតប្រកាសអាសន្នមែនទែនហើយ

យោងតាមការបញ្ជាក់ពីក្រសួងធនធានទឹក និងឧតុនិយម បានឲ្យដឹងថា គតមកដល់វេលាម៉ោង៦ព្រឹកថ្ងៃទី១៦ ខែសីហា ឆ្នាំ២០១៨ នេះ ទឹកស្ទឹងសង្កែក្រុងបាត់ដំបង បានបន្តកើនឡើងដល់កម្ពស់ ១៣,៥០ ម ( កម្រិតប្រកាសឲ្យប្រុងប្រយ័ត្ន ១៣,៧៥ ម )។ គួរបញ្ជាក់ផងដែរថា ទឹកស្ទឹងសង្កែ បានហក់ឡើងយ៉ាងខ្លាំង និងអាចជន់លិចនៅតាមតំបន់ទំនាបមួយចំនួនក្នុងក្រុងបាត់ដំបង នេះបើតាមការប្រកាសរបស់ក្រសួងកាលពីម្សិលមិញ ។ ដូច្នេះសូមបងប្អូនប្រជាពលរដ្ឋទាំងអស់ដែលរស់នៅតាមបណ្តោយស្ទឹងសង្កែ សូមមានការប្រុងប្រយ័ត្នខ្ពស់៕

អត្ថបទ៖ សេម