ឃាត់ខ្លួនកូនស្រីបង្កើតឧកញ៉ា ហេង សៀ ដែលបានរួមគំនិតជាមួយប្តី ផលិតវិដេអូបំផ្លាញកិត្តិយសពិធីការនី ពេជ្ររីតា

រាជធានីភ្នំពេញ៖ កាលពីល្ងាចថ្ងៃទី១៥ ខែឧសភា ឆ្នាំ សមត្ថកិច្ចបានចាប់ខ្លួនកូនប្រសារឧកញ៉ា ហេង សៀ គឺលោកឧកញ៉ា ឃន ឈុនដារ៉ា ដែលបានជួលមនុស្សប្រុស-ស្រីថតរូបអាសអាភាសដើម្បីបំភាន់សាធារណជន និងបំផ្លាញកិត្តិយស យ៉ាងធ្ងន់ធ្ងរបំផុតលើកញ្ញា មាន ពេជ្ររីតា។

ហើយនៅមុននេះបន្តិច កម្លាំងសមត្ថកិច្ចបានធ្វើការឃាត់ខ្លួនកូនស្រីបង្កើតរបស់លោកឧកញ៉ា ហេង សៀ ម្នាក់ទៀត ដែលបានរួមគំនិតជាមួយប្តីឈ្មោះ ឃន ឈុនដារ៉ា ធ្វើការជួលមនុស្សប្រុស-ស្រី ថតរូបភាពអាសអាសភាសដើម្បីបំភាន់សាធារណជន និងបំផ្លាញកិត្តិយសយ៉ាងធ្ងន់ធ្ងរបំផុតលើកញ្ញា មាន ពេជ្ររីតា។

គួរបញ្ជាក់ផងដែរ លោកឧកញ៉ា ឃន ឈុនដារ៉ា គឺជាថៅកែហាងល្បីៗជាច្រើននៅក្នុងប្រទេសកម្ពុជា ដែលមានដូចជាតែគុជ The KOI, កាហ្វេ Tube Cafe និងហាងភីហ្សា Yellow Cab៕