ថ្ងៃនេះ ថៃរកឃើញអ្នកឆ្លងកូវីដ ១៩ ចំនួន ៣,៤៨១ នាក់ និងមរណភាពចំនួន ៣២នាក់

ថៃ៖ នៅក្នុងថ្ងៃសុក្រ ទី ២១ ខែ ឧសភា នេះអាជ្ញាធរសុខាភិបាលនៃប្រទេសថៃបានប្រកាសពីការរកឃើញករណីឆ្លងជំងឺកូវីដ ១៩ ថ្មីចំនួន ៣,៤៨១ នាក់ ដែលចំនួននេះមានការកើតឡើងជិតពាន់នាក់បើធៀបទៅនឹងតួលេខអ្នកឆ្លងការពីថ្ងៃម្សិលមិញ។ ជាមួយគ្នានេះដែរអាជ្ញាធរសុខាភិបាលថៃក៏បានរកឃើញករណីអ្នកស្លាប់ដោយសារមានជំងឺជាប់ពាក់ព័ន្ធនឹងជំងឺកូវីដ ១៩ ចំនួន ៣២នាក់ផងដែរ។

បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងថ្មីទាំងអស់នោះមាន អ្នកឆ្លងចំនួន ៩៥១ នាក់គឺជាអ្នកទោសដែលកំពុងជាប់ឃុំឃាំងនៅក្នុងពន្ធនាគារ។ គួរបញ្ជាក់ផងដែរថា គិតមកទល់នឹងពេលនេះប្រទេសថៃបានរកឃើញអ្នកឆ្លងជំងឺកូវីដ ១៩ សរុបចំនួន ១២៣,០៦៦ នាក់ និងស្លាប់សរុបចំនួន ៧៣៥ នាក់ផងដែរ៕

អត្ថបទ៖ ភក្តី

ប្រភព៖ The Thaiger