គិតត្រឹមពេលនេះ ចំនួនអ្នកឆ្លងកូវីដ ១៩ នៅប្រទេសថៃបានកើនឡើងជាង ១លាននាក់ហើយ

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃសុក្រទី ២០ ខែ សីហា នេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ១៩,៥២៦ នាក់ ដែល ខណៈអ្នកស្លាប់ដោយសារជំងឺកូវីដ ១៩ វិញគឺមានចំនួន ២៤០នាក់។

បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ក្នុងនោះមានអ្នកឆ្លងចំនួន ១៩,៥៦២នាក់ជាអ្នកឆ្លងទូទៅ ចំណែកឯ ៣២៥ នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា  គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ១,០០៩,៧១០នាក់ និងស្លាប់សរុបចំនួន ៨,៨២៦ នាក់ផងដែរ៕

អត្ថបទ៖ ភក្តី

ប្រភព៖  បាងកកប៉ុស្តិ៍