កាលពីព្រឹកថ្ងៃទី២៥ ខែតុលា ឆ្នាំ២០២១ លោក ឌួង ឆាយ បានធ្វើដំណើរទៅដល់មុខផ្ទះអ្នកនាង ដេត ម៉ាលីណា ដែលជាអតីតភរិយារបស់លោកទាំងព្រឹកព្រោះចង់ជួបមុខកូនៗទាំង៣នាក់។ ក្នុងនោះដែរក៏ឃើញមានវត្តមានអាជ្ញាធរខណ្ឌចុះទៅជាមួយផងដែរ ប៉ុន្តែបំណងរបស់លោក ឌួង ឆាយ មិនបានសម្រេចនោះទេពោលគឺអ្នកនាង ដេត ម៉ាលីណា មិនអនុញ្ញាតអោយចូលផ្ទះរបស់នាងឡើយ។ លោក ឌួង ឆាយ បានរៀបរាប់នៅលើហ្វេសប៊ុក របស់លោកថា៖

“ខ្ញុំបាទ និងអ្នកម្តាយរួមជាមួយអាជ្ញាធរខណ្ឌបានជូនដំណឹងមុន 1 សប្តាហ៍ដើម្បីជួបកូនៗ។ ប៉ុន្តែអតីតរបស់ខ្ញុំមិនអោយជួប។ សូមពូមីងបងប្អូនទាំងអស់គ្នាពិចារណាតាមការគួរ។ ច្បាប់ធម្មជាតិក្តី ច្បាប់មនុស្សក្តីមិនអាចកាត់ផ្តាច់មនោសចេតនាឪពុក និងកូនៗខ្ញុំបានទេ។ រយៈពេលជាង កន្លះឆ្នាំជួបកូនៗខ្ញុំបានតែ 3 ដង។ អានិតកូនៗ ខ្ញុំណាស់ខ្វះភាពកក់ក្តៅជាពិសេសកូនប្រុសច្បងខ្ញុំនៅឈឺ និងកូនស្រីពៅនៅតូចណាស់”