អាជ្ញាធរថៃបញ្ជាក់ថា ការរកឃើញមេរោគ Delta Plus នៅក្នុងសហគមន៍មិនប៉ះពាល់ដល់គម្រោងបើកប្រទេសនៅខែក្រោយនោះទេ

យ៉ាងណាក្តី មិនទាន់នឹងដល់ពេលអនុវត្តផែនការផងស្រាប់តែកាលពីថ្ងៃម្សិលមិញនេះអាជ្ញាធរសុខាភិបាលថៃបានរកឃើញករណីចម្លងមេរោគកូវីដ ១៩ ប្រភេទ Delta Plus មួយករណី ខណៈមេរោគប្រភេទនេះត្រូវបានគេចាត់ទុកថាមេរោគដ៏កាចសាហាវបំផុតមួយ ពោលគឺវាអាចចម្លងខ្លាំងជាងមេរោគ Delta រហូតដល់ ១៥%ឯណោះ។ ក្រោយការរកឃើញនេះក្រុមអ្នកជំនាញថៃមួយចំនួនបានបង្ហាញនូវក្តីបារម្ភថា​ មេរោគ Delta Plus អាចបន្តរាតត្បាតជាច្រើនករណីបន្ថែមទៀត ជាពិសេសនៅពេលមានភ្ញៀវទេសចរណ៍មកដើរកំសាន្ត ព្រោះតាមធម្មតាក្រុមអ្នកទេសចរណ៍តែងធ្វើដំណើរឆ្លងកាត់ខេត្តក្រុងជាច្រើននៅទូទាំងប្រទេស ដែលពួកគេនឹងក្លាយជាភ្នាក់ងារចម្លងមេរោគពីកន្លែងមួយទៅកាន់កន្លែងមួយតែម្តង។បើទោះជាយ៉ាងនេះក្តី លោក Sathit Pitutecha បានអះអាងថា​ គ្មានការលុបចោលផែនការបើកប្រទេសឡើយ ព្រោះការចម្លងមេរោគប្រភេទ Delta Plus នោះស្ថិតនៅក្នុងកម្រិតមួយដែលគេអាចគ្រប់គ្រងបាន៕