រឿងទាំង១៣យ៉ាង ដែលអ្នកមិនគួរបង្ហោះក្នុង Facebook ឡើយ

អ្នកប្រើប្រាស់បណ្តាញសង្គម Facebook ភាគច្រើននិយមបង្ហោះសារ និងរូបភាពផ្សេងៗអំពីខ្លួនពួកគេផ្ទាល់និងសមាជិកគ្រួសារជាដើម ក្នុងគោលបំណងកំសាន្តលេងនិងដើម្បីបញ្ចេញអារម្មណ៍ផ្ទាល់ខ្លួនផងដែរ។ យ៉ាងណាក្តី ក្រុមអ្នកជំនាញបានផ្តល់ដំបូន្មានថា មានរឿងមួយចំនួនលោកអ្នកមិនគួរបង្ហោះក្នុង Facebook នោះឡើយ ដូចជា៖

១- Relationship Status៖ បើអ្នកមិនទាន់បានរៀបការទេ យកល្អកុំបង្ហោះវាអី។

២- រូបភាពកូនតូច៖ ជនខិលខូចអាចនឹងមានគំនិតមិនល្អផ្សេងៗលើកូនតូចរបស់អ្នក។

៣- អាស្រ័យដ្ឋានសាលារបស់កូនតូច៖ ជនខិលខូចអាចនឹងងាយស្រួលក្នុងការទៅរកកូនរបស់អ្នក។

៤- រូបភាពដែលបង្កប់អត្ថន័យពីខ្លួនអ្នក៖ រូបភាពទាំងនេះអាចធ្វើឲ្យគេដឹងបានថា អ្នកកំពុងតែស្ថិតនៅក្នុងស្ថានភាពបែបណា ហើយគេនឹងងាយស្រួលក្នុងការអូសទាញ ឬគិតមិនល្អលើអ្នក។

៥- មនុស្សមិនដែលស្គាល់៖ យកល្អអ្នកគួរតែធ្វើការទាក់ទងជាមួយនឹងមនុស្ស ដែលអ្នកស្គាល់ពិតប្រាកដទៅបានហើយ កុំចេះតែទំនាក់ទំនងជាមួយមនុស្ស ដែលទើបស្គាល់តាម Facebook ឲ្យសោះ ព្រោះវាងាយនឹងចាញ់បោកគេ។

៦- ព័ត៌មានដែលទាក់នឹងកាតឥណទាន ឬកាតធនាគា៖ ជនខិលខូចអាចនឹងយកព័ត៌នេះ ដើម្បីលួចចូលប្រើគណនីធនាគារបស់អ្នក។

៧- លេខទូរស័ព្ទ៖ គេអាចនឹងហៅទូរស័ព្ទមករំខានអ្នកបានគ្រប់ពេល។

៨- កុំឲ្យគេ Tag លើគណនី Facebook អ្នកផ្តេសផ្តាសឲ្យសោះ ព្រោះអ្នកនឹងទទួលបានព័ត៌មាន ដែលអ្នកមិនពេញចិត្តជាច្រើន។

៩- ថ្ងៃខែឆ្នាំកំណើត៖ ជនខិលខូចអាចនឹងយកព័ត៌មាននេះ ដើម្បីលួចប្រើប្រាស់គណនីផ្សេងៗរបស់អ្នក។

១០- ព័ត៌មានផ្សេងៗ ដែលជាសេរីភាពរបស់អ្នក តែអាចប៉ះពាល់ដល់កន្លែងធ្វើការងារអ្នក។

១១- កុំបង្ហោះពីទីតាំងរបស់អ្នកផ្ដេសផ្ដាស ព្រោះគេអាចទៅរកអ្នកក្នុងគោលបំណងមិនល្អបានយ៉ាងងាយ។

១២- ទីតាំងដែលអ្នកត្រូវទៅកំសាន្ត៖ ព័ត៌មានប្រភេទនេះអាចធ្វើឲ្យរៀបចំគម្រោងមិនល្អផ្សេងៗ ចំពោះអ្នករួចជាស្រេចមុនពេលអ្នកទៅដល់កន្លែងនោះ។

១៣- សំបុត្រយន្តហោះ និងផែនការលំអិតក្នុងការធ្វើដំណើរ៖ ជនខិលខូចនឹងកាន់តែមានភាពងាយស្រួលក្នុងការតាមដាន និងគិតមិនល្អចំពោះលោកអ្នក៕

អត្ថបទ៖ ភក្តី
ប្រភព៖ trulymind