នេះជារឿងដំបូង ដែលលោក Bill Gates បានធ្វើក្រោយពេលគាត់មានលុយរាប់រយលានដុល្លារក្នុងឆាកជីវិតរបស់លោក

លោក Bill Gates គឺជាអគ្គនាយកក្រុមហ៊ុន Microsoft និងជាមហាសេដ្ឋីលំដាប់ទី ២ លើពិភពលោក បើគិតត្រឹមខែវិច្ឆិកាឆ្នាំ ២០១៨ នេះ។ កន្លងមកប្រវត្តិ គំនិត បទពិសោធណ៍ និងទម្លាប់របស់គាត់ជាច្រើន ត្រូវបានគេយកបង្ហាញជាសាធារណៈ ដើម្បីឲ្យក្មេងៗជំនាន់ក្រោយអាចយកមកធ្វើការសិក្សា និងធ្វើជាគំរូតាម។ ​យ៉ាងណាក្តីនៅមានរឿងមួយទៀត ដែលមនុស្សគ្រប់គ្នាប្រហែលជាមិនទាន់បានដឹងទេនោះថា តើលោក  Bill Gates បានធ្វើអ្វីមុនគេនៅពេល ដែលគាត់មានលុយ ៣៥០ លានដុល្លារលើកដំបូងក្នុងជីវិតរបស់គាត់?

បើតាមសារព័ត៌មាន CNBC បានចុះផ្សាយថា លោក Bill Gates មានលុយ ៣៥០ លានដុល្លារលើកដំបូងបំផុតនៅក្នុងឆ្នាំ ១៩៨៦ ហើយភ្លាមៗ ក្រោយពេលដែលគាត់ទទួលបានលុយទាំងនោះគឺគាត់បានយកលុយទៅសងបំណុលចំនួន ១៥០,០០០ ដុល្លារ ដែលបំណុលនោះគាត់បានជំពាក់គេមុនពេលគាត់ក្លាយជាអ្នកមាន។ តាមរយៈបទពិសោធន៍នេះគេអាចរៀនសូត្របានថា លោកអ្នកគួរតែព្យាយាមសងបំណុលរបស់គេឲ្យអស់នៅពេល ដែលអ្នកមានលុយភ្លាម ព្រោះពេលខ្លះពេលអ្នកមានលុយហើយតែមិនព្រមសងគេ អ្នកអាចនឹងភ្លេចខ្លួនចាយលុយទាំងនោះអស់ ហើយបំណុលនៅតែជាបំណុលដដែល៕

អត្ថបទ៖ ភក្តី

ប្រភព៖ cnbc