តើអ្នកដឹងទេ? “ពន្លឺថ្ងៃ” អាចជំរុញ “ចំណង់អាហារ” ប៉ុន្តែកើតឡើងសម្រាប់តែបុរសតែប៉ុណ្ណោះ!
- BY
- autoadmin
- July 23, 2022
យោងតាមទីភ្នាក់ងារសារព័ត៌មាន Xinhua បានរាយការណ៍កាលពីថ្ងៃអង្គារ ទី១៩ ខែកក្កដា ថា សាកលវិទ្យាល័យ Tel Aviv (TAU) នៅកណ្តាលប្រទេសអ៉ីស្រាអែល បានរកឃើញថា ការប៉ះពាល់នឹង “ពន្លឺព្រះអាទិត្យ” អាចជំរុញចំណង់អាហារចំពោះបុរស ប៉ុន្តែដំណើរការនេះមិនកើតឡើងចំពោះស្ត្រីទេ។
លទ្ធផលនៃការសិក្សាដែលដឹកនាំដោយសាកលវិទ្យាល័យ ហើយបានចុះផ្សាយតាមរយៈទស្សនាវដ្ដី Nature Metabolism (Nature Metabolism) បញ្ជាក់ថា អ្នកស្រាវជ្រាវបានរកឃើញថា ការប៉ះពាល់នឹងពន្លឺព្រះអាទិត្យក្នុងចំណោមបុរស វារំញោចប្រូតេអ៉ីន p53 (p53) ដែលផ្តល់សញ្ញាឱ្យរាងកាយផលិតអរម៉ូន ghrelin និងជំរុញចំណង់អាហារ។ ទោះជាយ៉ាងណាក៏ដោយអ័រម៉ូនអេស្ត្រូជេននៅក្នុងរាងកាយរបស់ស្ត្រី នឹងរារាំងអន្តរកម្មរវាងប្រូតេអ៉ីន និងអរម៉ូនបែបនេះ មិនបណ្តាលឱ្យមានការរំញោចនៃចំណង់អាហារ បន្ទាប់ពីការប៉ះពាល់នឹងពន្លឺព្រះអាទិត្យ។
ដោយក្រុមស្រាវជ្រាវបានប្រមូលទិន្នន័យពីការស្ទង់មតិមួយឆ្នាំនៃទម្លាប់នៃការញ៉ាំរបស់ជនជាតិអ៉ីស្រាអែលប្រហែល ៣,០០០ នាក់ក្នុងរដូវក្តៅ រួមជាមួយនឹងការសិក្សាហ្សែននៅក្នុងគំរូមន្ទីរពិសោធន៍ ហើយពន្យល់ថា រាងកាយមនុស្សបញ្ចេញប្រូតេអ៉ីន p53 បន្ទាប់ពីការប៉ះពាល់នឹងពន្លឺព្រះអាទិត្យ ដើម្បីជួសជុលការខូចខាត DNA នៅលើស្បែក។ ចំណែក Karmit Levy អ្នកស្រាវជ្រាវនៅសកលវិទ្យាល័យ បាននិយាយថា លទ្ធផលនេះ គឺជាមូលដ្ឋានគ្រឹះសម្រាប់ការស្រាវជ្រាវបន្ថែមទៀត ទាំងនៅក្នុងលក្ខខណ្ឌនៃដំណើរការមេតាប៉ូលីសរបស់មនុស្ស និងវិធីព្យាបាលជម្ងឺមេតាបូលីស រួមទាំងអាកប្បកិរិយាមិនប្រក្រតីនៃចំណង់អាហារជាមួយនឹងកាំរស្មីយូវី៕
អត្ថបទ៖ Bee
ប្រភព៖ sanook
- Share This Post: