រំភើបជំនួស! ហេតុតែស្រលាញ់ចៅលោកតាជនជាតិថៃវ័យ ៨៦ឆ្នាំសុខចិត្តជិះឡានរាប់ម៉ោង ដើម្បីមកចូលរួមកម្មវិធីបញ្ចប់ការសិក្សាចៅស្រី
- BY
- autoadmin
- July 25, 2022
ថៃ៖ ជាការពិតណាស់ឳពុកម្តាយ និងលោកតាលោកយាយតែងរមែងទន្ទឹងរង់ចាំថ្ងៃដ៏ពិសេសរបស់កូនចៅគ្រប់រូបនេះមកដល់ នោះគឺថ្ងៃដែលលោកបានឃើញកូនចៅរៀនចប់ទទួលសញ្ញាបត្រ ព្រមជាមួយនិងអារម្មណ៍ដ៏រំភើបរីករាយ។ ដូចទៅនឹងហេតុការណ៍ដ៏គួរអោយរំភើប មួយដែលក្លាយជាប្រធានបទដ៏ពេញនិយមមួយនៅលើបណ្ដាញសង្គម បន្ទាប់ពីអ្នកប្រើប្រាស់កម្មវិធី TikTok ម្នាក់ដែលមានឈ្មោះថា anyanee5 បានបង្ហោះវីដេអូឃ្លីបដ៏គួរឲ្យស្រលាញ់របស់លោកតាអាយុ ៨៦ឆ្នាំ ដែលចង់មកចូលរួមកម្មវិធីទទួលសញ្ញាបត្ររបស់ចៅស្រី រហូតដល់គាត់យល់ព្រមជិះឡានពីខេត្ត ខន កែន ដែលមានរយៈពេលដល់ទៅ ៥ម៉ោង ដើម្បីតែមកចូលរួមព្រឹត្តិការណ៍ដ៏ពិសេសនេះ។
តាមរយៈការបង្ហោះបានសរសេរថា «ពិតជាមើលទៅក្តីសុខខ្លាំងៗ ដែលលោកតាអាយុ ៨៦ឆ្នាំ ដើរស្ទើរតែមិនរួចក៏នៅតែចង់មក ហើយ គឺមកអោយទាល់តែបាន ទោះលោកជម្ងឺទឹកនោមផ្អែម ត្រូវស្ពាយថ្នាំមកតាមខ្លួនក៏ដោយ ក៏នៅតែមកម្មវិធីទទួលសញ្ញាបត្រចៅ ដោយក្ដីស្រលាញ់ពេញបេះដូង”។
យ៉ាងណាមិញ បន្ទាប់ពីឃ្លីបនេះត្រូវបានគេផ្សព្វផ្សាយ មានអ្នកលេងអ៉ីនធឺណិតជាច្រើនបានបញ្ចេញមតិ (Comments) ដោយសរសើរទៅលើការតាំងចិត្តរបស់លោកតា ក្នុងការយល់ព្រមអង្គុយក្នុងឡានរយៈពេល ៥ ម៉ោងដើម្បីអបអរសាទរចៅស្រី ព្រមទាំងនាំគ្នាជូនពរដល់លោកតាអោយមានសុខភាពល្អ នៅជាមួយចៅឱ្យបានយូរតទៅទៀត៕
អត្ថបទ៖ Bee
ប្រភព៖ sanook
- Share This Post: