រាជធានីភ្នំពេញ៖ កាលពីថ្ងៃទី១៩ ខែមីនា ឆ្នាំ២០២៣ យោងតាមគណនីហ្វេសប៊ុកផ្ទាល់របស់ កីឡាការិនីកម្ពុជា ស្រួង ភាវី បានអំពាវនាវជាមុនរកអ្នកជំងឺចំហបេះដូងជាជនជាតិខ្មែរចំនួន ១៥នាក់ ដោយនាពេលខាងមុខ ក្រុមគ្រូពេទ្យជំនាញនឹងធ្វើដំណើរមកពិនិត្យអ្នកជំងឺនៅកម្ពុជា ហើយនាំទៅព្យាបាលនៅប្រទេសកូរ៉េផ្ទាល់តែម្ដង។

ក្នុងគណនីហ្វេសប៊ុកផ្ទាល់របស់អ្នកនាង ស្រួង ភាវី បានសរសេររៀបរាប់ដូច្នេះថា៖ «សូមគោរពជម្រាបជូនពុកម៉ែបងប្អូននៅដំណឹងល្អម្ដងទៀត នៅក្នុងអំឡុងខែ៤ខាងមុខនេះ ក្រុមគ្រូពេទ្យកូរ៉េ ពួកគាត់នឹងចុះទៅខ្មែរពិនិត្យមើលផ្ទាល់ ដល់ប្អូនៗដែលមានជំងឺបេះដូងចំហចំនួន១៥នាក់ ដើម្បីយកមកព្យាបាលនៅកូរ៉េតែម្តង។

ដូច្នេះបើពុកម៉ែបងប្អូនដែលមានអ្នកជំងឺនេះ ដែលមានអាយុចាប់ពី៥ឆ្នាំដល់២០ឆ្នាំ សូមសរសេរឈ្មោះ លេខទូរស័ព្ទ រូបថតរបស់អ្នកជំងឺ និងអាសយដ្ឋានដាក់ចូលក្នុងខម្មិនខាងក្រោម ដើម្បីងាយស្រួលយើងខ្ញុំធ្វើការជូន។ សូមអរគុណ! »

រាជធានីភ្នំពេញ៖ ស្ត្រីរងគ្រោះឈ្មោះ សៀង ស្រីអូន អាយុ២២ឆ្នាំ ដោយបានអះអាងថា គ្រូពេទ្យ នៅមន្ទីរសម្រាកព្យាបាលដើមអង្គ្រង (ព្រៃទទឹង) ស្ថិតក្នុងភូមិលៀក ឃុំព្រះនិពាន្វ ស្រុកគងពិសី ខេត្តកំពង់ស្ពឺ ធ្វើការធ្វេសប្រហែសបានបូមរំលូតទារកដាច់ទាំងស្បូន និងពោះវៀនតូចមកជាមួយ បណ្ដាលឱ្យរងបួសធ្ងន់។ ពេលនេះស្ត្រីរងគ្រោះនោះ បានទទួលមរណៈភាពហើយ កាលពីវេលាម៉ោង ១២ រំលងអធ្រាត្រ យប់មិញនៅថ្ងៃទី១៦ ខែមីនា ឆ្នាំ២០២៣។

នេះបើយោងតាមគណនីហ្វេសប៊ុកមួយឈ្មោះ Chum Sarath នៅថ្ងៃទី១៦ ខែមីនា ឆ្នាំ២០២៣ បានបង្ហោះ និងសរសេររៀបរាប់យ៉ាងដូច្នេះថា៖ « ប្អូនស្រី សៀង ស្រីអូន ដែលទៅទទួលសេវាពន្លូតកូន ដោយសារកូនបាត់បង់ជីវិតក្នុងផ្ទៃអាយុ ០៤ខែ ហើយត្រូវក្រុមគ្រូពេទ្យសម្ភពដើមអង្រ្កង ធ្វើការធ្វេសប្រហែសបណ្តាលអោយដាច់ពោះវៀននោះ គាត់បានទទួលមរណៈភាព កាលពីវេលាម៉ោង ១២ រំលងអធ្រាត្រ យប់មិញនៅថ្ងៃទី១៦ ខែមីនា ឆ្នាំ២០២៣ ដោយក្រុមគ្រូពេទ្យនៅមន្ទីពេទ្យកាល់ម៉ែត ក៏ដូចជា ក្រុមគ្រូពេទ្យនៅប្រទេសថៃ ព្យាយាមអស់ពីសមត្ថភាពហើយ។ សពប្អូនស្រីយកមកធ្វើបុណ្យតាមប្រពៃណី នៅផ្ទះ ភូមិពងទឹក ឃុំស្រែចែង ស្រុកជុំគិរី ខេត្តកំពត។ សូមដួងវិញ្ញាណក្ខន្ធរបស់ប្អូនស្រី ទៅកាន់ សុគតិភព » ៕

ប្រភព៖ Chum Sarath

រាជធានីភ្នំពេញ៖ កាលពីថ្ងៃទី១២ ខែមីនា ឆ្នាំ២០២៣កន្លងទៅនេះ យោងតាមគណនីហ្វេសប៊ុកមួយឈ្មោះថា «ISF Cambodia» បានឱ្យដឹងថា លោក James Holgate ដែលជាអត្តពលិកជនជាតិអូស្ត្រាលី បានចាប់ផ្តើមការរត់របស់លោកនៅទ្វីបចុងក្រោយគេគឺ ទ្វីបអង់តាកទិក ក្នុងគោលបំណងរៃអង្កាសថវិកា ១៥,០០០ ដុល្លារអាមេរិក គាំទ្រដល់អង្គការ ផ្កាយសមុទ្រ។

បើយោងតាមប្រភពខាងលើឈ្មោះ «ISF Cambodia» បានសរសេររៀបយ៉ាងដូច្នេះថា៖ អ្នកគាំទ្រដ៏មោះមុតម្នាក់របស់អង្គការផ្កាយសមុទ្រគឺលោក James Holgate ធ្លាប់បានកំណត់គោលដៅខ្លួនឯងថានឹងរត់ម៉ារ៉ាតុងក្នុងទ្វីបទាំង៧នៅលើពិភពលោក ហើយពេលនេះលោកជិតសម្រេចវាបានហើយ!

ការរត់ម៉ារ៉ាតុងនេះពោរពេញទៅដោយការលំបាកក៏ពិតមែន តែវាគឺជាការសាកល្បងភាពក្លាហាន និងការតស៊ូ ដោយជំនះនឹងអាកាសធាតុត្រជាក់ក្រោមសូន្យ គ្រោះថ្នាក់ពេលជួបប្រទះនឹងសត្វខ្លាឃ្មុំទឹកកក និងរបួសដោយសារតែភាពត្រជាក់ជាដើម។ ចូលរួមគាំទ្រ និងធ្វើការបរិច្ចាគដល់ការរត់របស់លោក James ដើម្បីរួមចំណែកផ្លាស់ប្តូរជីវិតកុមារកម្ពុជាក្រីក្រ តាមរយៈឱកាសរៀនសូត្រ និងលេងកីឡា ។

បរិច្ចាគឥឡូវនេះ៖ https://run.gofundraise.com.au/page/James-43615759
ប្រសិនបើលោកអ្នកកំពុងនៅប្រទេសកម្ពុជា អ្នកក៏អាចធ្វើការបរិច្ចាគដល់អង្គការផ្កាយសមុទ្រ តាមរយៈធនាគារ ABA បានដែរ៖ https://isfcambodia.org/get-involved-2/donate-worldwide/