សម្រាមគរនៅកន្លែងលក់មិនខ្ចីសម្អាត ត្រូវអភិបាលក្រុង​ប៉ោយ​ប៉ែ​ត ស្តីឲ្យទាំងព្រឹកតែម្តង (មានវីដេអូ)

កាលពីពេលថ្មីៗនេះមានការចែករំលែកវីដេអូមួយបង្ហាញនូវសកម្មភាព ​លោក សាន ស៊ា​ន​ហូរ អភិបាលក្រុង​ប៉ោយ​ប៉ែ​ត​ ​បានដើរ​ពិនិត្យ​រឿងអនាម័យ និងសណ្តាប់ធ្នាប់តាម​ដងផ្លូវទីប្រជុំជន មុនពេលដែលលោកអភិបាលក្រុងចូលក្នុងការិយាល័យ។ យ៉ាងណាមិញនៅច្រកទ្វារព្រំដែនអន្តរជាតិប៉ោយប៉ែត អភិបាលក្រុង​ក៏បានប្រទះឃើញសម្រាមបានគរនៅកន្លែងលក់ដូរមួយ ដោយអ្នក់លក់បានឆ្លើយតបថាជាសម្រាមដែលគេផ្សេងបានបោះចោល។

ដោយការឆ្លើយតបរបស់នារីជាអ្នកលក់ដូរ មិនមានការទទួលខុសត្រូវ លោក សាន ស៊ា​ន​ហូរ អភិបាលក្រុង​ប៉ោយ​ប៉ែ​ត បានធ្វើការស្តីបន្ទោស និងបានណែនាំឲ្យអ្នក់លក់ដូរចេះសម្អាតកន្លែងលក់ដូររបស់ខ្លួន ហើយលោកអភិបាលក៏បានធ្វើការព្រមានថាបើនៅតែបន្តធ្វើបែបនេះ លោកនឹងមិនអនុញ្ញាតឲ្យមានការលក់ដូរតទៅទៀតឡើយ។ សូមទស្សនាវិដេអូនៅខាងក្រោម៖