ប៉ូលិសកាណាដា កាលពីថ្ងៃអាទិត្យបាននិយាយថា ការចាក់សម្លាប់ជាបន្តបន្ទាប់នៅសហគមន៍ជនជាតិដើម (First Nation) និងនៅក្នុងទីក្រុងក្បែរនោះមួយទៀត នៅក្នុងខេត្ត Saskatchewan របស់ប្រទេសកាណាដា បានបណ្តាលឱ្យមនុស្ស ១០ នាក់ស្លាប់ និង ១៥ នាក់រងរបួស ហើយឥឡូវនេះ ប៉ូលីសកំពុងស្វែងរកជនសង្ស័យចំនួន ២នាក់ ដែលកំពុងគេចខ្លួន។ ប៉ូលិសបាននិយាយថា ការចាក់សម្លាប់នេះ បានកើតឡើងនៅទីតាំងជាច្រើននៅលើតំបន់ James Smith Cree Nation និងនៅក្នុងភូមិ Weldon ភាគឦសាននៃខេត្ត Saskatoon ។

លោកស្រី Rhonda Blackmore ជំនួយការស្នងការនៃ Royal Canadian Mounted Police Saskatchewan បាននិយាយថា ជនរងគ្រោះមួយចំនួន ហាក់ដូចជាត្រូវបានជនសង្ស័យកំណត់ជាគោលដៅ ប៉ុន្តែអ្នកផ្សេងទៀត ហាក់ដូចជាត្រូវបានវាយប្រហារដោយចៃដន្យ ហើយលោកស្រីមិនអាចផ្តល់ការបញ្ជាក់ពីមូលហេតុបាននោះទេ។ លោកស្រី Blackmore បាន​ថ្លែង​ថា៖«វា​ជា​រឿង​ដ៏​គួរ​ឱ្យរន្ធត់​ដែល​បាន​កើត​ឡើង​នៅ​ក្នុង​ខេត្ត​របស់​យើង​នា​ថ្ងៃ​នេះ»។ ប៉ូលីសបាននិយាយថា ជនសង្ស័យត្រូវបានគេមើលឃើញចុងក្រោយនៅក្នុងរដ្ឋធានី Saskatchewan នៃ Regina កំឡុងពេលម៉ោងអាហារថ្ងៃត្រង់៕

អត្ថបទ៖ លីដា
ប្រភព៖ USA Today