គ្រោះរញ្ជួយដីកម្រិត ៥.៧ រ៉ិចទ័រ វាយប្រហារភាគពាយ័ព្យប្រទេសអ៊ីរ៉ង់ បណ្តាលឱ្យមនុស្ស ២៧៦ នាក់រងរបួស

គ្រោះរញ្ជួយដីកម្រិត ៥.៧ រ៉ិចទ័រ បានវាយប្រហារភាគពាយ័ព្យប្រទេសអ៊ីរ៉ង់នៅថ្ងៃពុធនេះ ខណៈទូរទស្សន៍រដ្ឋបាននិយាយថា អាជ្ញាធរវេជ្ជសាស្រ្តនៅក្នុងតំបន់បានរាយការណ៍ថា មានមនុស្សយ៉ាងហោចណាស់ ២៧៦ នាក់បានរងរបួស។ ចំណុចកណ្តាលនៃការរញ្ជួយដីនេះ គឺនៅជិតទីក្រុង Khowy ក្នុងខេត្ត West Azerbaijan ។

សេវាសង្គ្រោះបន្ទាន់ Khowy Medical បាននិយាយថា៖«មនុស្ស ២៧៦ នាក់បានរងរបួស រហូតមកដល់ពេលនេះ រួមទាំង ៦៨ នាក់ ត្រូវបានបញ្ជូនទៅមន្ទីរពេទ្យដោយសារការបាក់ឆ្អឹងតិចតួច»។ ការរញ្ជួយដីនេះមានចម្ងាយប្រហែល ១១.៦ គីឡូម៉ែត្រ ពីតំបន់ Khowy និងមានជម្រៅ ១០ គីឡូម៉ែត្រ នេះបើតាមការស្ទាបស្ទង់ភូមិសាស្ត្រសហរដ្ឋអាមេរិក។

ចំណែកមជ្ឈមណ្ឌលស្រាវជ្រាវភូមិសាស្ត្រអាល្លឺម៉ង់ GFZ (GFZ) បាននិយាយមុននេះថា ការរញ្ជួយដីមានកម្រិត ៥.៥ រ៉ិចទ័រ និងនៅជិតតំបន់ព្រំដែន អាមេនី-អាស៊ែបៃហ្សង់-អ៊ីរ៉ង់៕

អត្ថបទ៖ លីដា
ប្រភព៖ រ៉យទ័រ