រយៈពេល១ឆ្នាំ សមត្ថកិច្ចឃាត់យានយន្តជិះបញ្ច្រាសផ្លូវមុខផ្ទះសម្តេច បានរាប់ពាន់គ្រឿង

យោងតាមការបញ្ជាក់ពីរដ្ឋបាល ខណ្ឌដូនពេញ បានឲ្យដឹងថា កាលពីម្សិលមិញនេះ គឺជាថ្ងៃនេះគម្រប់ខួប១ឆ្នាំ នៃការអនុវត្តយុទ្ធនាការឃាត់យានយន្ត បើកបញ្រ្ចាសទិសដៅចរាចរណ៍ នៅរង្វង់មូលជុំវិញវិមានឯករាជ្យ។

កម្លាំងគណៈបញ្ជាការឯកភាពខណ្ឌដូនពេញ សហការជាមួយការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ អនុវត្តយុទ្ធនាការឃាត់ម៉ូតូ និងរថយន្ត បើកបញ្រ្ចាសទិសដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹតស្ថិតក្នុងសង្កាត់ចតុមុខ ខណ្ឌដូនពេញ។

ជាលទ្ធផលរយៈពេល១ឆ្នាំបានធ្វើការឃាត់យានយន្តសរុប ចំនួន៣,៦១៨ គ្រឿង ដែលក្នុងនោះរួមមានៈ ទី១- ម៉ូតូចំនួន ៣,១០៤ គ្រឿង ទី២- រ៉ឺម៉កម៉ូតូកង់បីចំនួន ៣៨២គ្រឿង និងទី៣- រថយន្តចំនួន ១៣២ គ្រឿង៕

រូបភាព៖ រដ្ឋបាល ខណ្ឌដូនពេញ