អាចមកចូលរួមម្នាក់ឯង ជាមួយគ្រួសារ ឬជាមួយមិត្តភក្តិ! ស្ថានទូតបារាំង រៀបចំពិព័រណ៍ «ផ្សារបារាំង» នឹងបើកឱ្យចូលលេងកម្សាន្តដោយសេរី នាសប្តាហ៍ក្រោយ

(ភ្នំពេញ)៖ ស្ថានទូតបារាំងនៅភ្នំពេញ នឹងបើកទ្វារទទួលសាធារណជនចូលដើរកម្សាន្ត ក្នុងឱកាសពិព័រណ៍ «ផ្សារបារាំង» ដែលកម្មវិធី​ពិសេសនេះ​នឹង​ប្រព្រឹត្តទៅ​នៅថ្ងៃ​សៅរ៍ ​ទី​១៩ ខែវិច្ឆិកា ឆ្នាំ២០២២ ចាប់ពីម៉ោង១០ព្រឹកដល់ម៉ោង៦ល្ងាច។

ស្តង់ចំនួន៥០នឹងបង្ហាញជូនលោកអ្នកពីវប្បធម៌ ការច្នៃប្រឌិត ចំណីអាហារ ផលិតផលសុខភាព…។ លោកអ្នកអាចមកចូលរួមម្នាក់ឯង ជាមួយគ្រួសារ ឬជាមួយមិត្តភក្តិ ដើម្បីស្វែងយល់ពីគំនិតផ្តួចផ្តើមនានារបស់បារាំងនៅកម្ពុជា។ ក្រៅពីនេះក៏មានសកម្មភាពកម្សាន្តជាច្រើនទៀត ដែលរង់ចាំលោកអ្នក ដូចជាការភ្លក់អាហារ សកម្មភាពកីឡា និងសកម្មភាពវប្បធម៌ សម្រាប់មនុស្សគ្រប់វ័យ។ សូមបញ្ជាក់ថាលោកអ្នកចូលរួមដោយសេរីនៅ ស្ថានទូតបារាំងប្រចាំកម្ពុជា ថ្ងៃសៅរ៍ ទី១៩ ខែវិច្ឆិកា ឆ្នាំ២០២២ ពីម៉ោង១០ព្រឹកដល់៥:៣០ល្ងាច ចំពោះកាបូបធំៗ និងសម្ភារៈសំពីងសំពោងមិនត្រូវបានអនុញ្ញាតឲ្យយកចូលទេ៕