ល្បងប្រាជ្ញា! បើអ្នកនៅក្នុងស្ថានភាពគ្រោះថ្នាក់ទាំងនេះ តើអ្នកនឹងធ្វើដូចម្តេច ដើម្បីសង្គ្រោះខ្លួនឯង?

ប្រសិនបើលោកអ្នកស្ថិតនៅក្នុងស្ថានភាពគ្រោះថ្នាក់ទាំងនេះ តើលោកអ្នកនឹងជ្រើសរើសវិធីមួយណាដើម្បីជួយសង្គ្រោះខ្លួនឯង? សូមលោកអ្នកអានពីស្ថានភាពគ្រោះថ្នាក់នេះ និងជ្រើសរើសយកចម្លើយមួយជាមុនសិន មុនពេលលោកអ្នកទៅអានចម្លើយត្រឹមត្រូវនៅផ្នែកខាងក្រោម៖

១. វង្វេងផ្លូវនៅលើវាលខ្សាច់។ តើអ្នកគួរធ្វើដូចម្តេច?

+ ព្យាយាមដើរនៅពេលថ្ងៃ
+ ព្យាយាមដើរនៅពេលយប់
+ ជីករណ្តៅមួយសម្រាប់ខ្លួនឯងនៅលើវាលខ្សាច់

២. ជាប់នៅក្រោមកម្ទេចថ្ម។ តើអ្នកគួរធ្វើដូចម្តេច?

+ ធ្វើចិត្តឲ្យត្រជាក់ និងយកអាវយឺតមកគ្របមុខ
+ ដុតភ្លើង
+ ព្យាយាមគេចចេញឲ្យលឿន

៣. ត្រីឆ្លាមកំពុងហែលមករកលោកអ្នក។ តើអ្នកគួរធ្វើដូចម្តេច?

+ បែរមុខចេញពីត្រីឆ្លាម ហើយព្យាយាមហែលឲ្យលឿន
+ ឡើងលើវា និងព្យាយាមផ្សាំងវា
+ ព្យាយាមវាយ និងចាក់ភ្នែករបស់វា

៤. គោព្រៃមួយក្បាលព្យាយាមវាយប្រហារអ្នក។ តើអ្នកគួរធ្វើដូចម្តេច?

+ រត់សំដៅទៅរកវា
+ ដេកក្រាបទៅលើដី
+ នៅឲ្យស្ងៀម ហើយដោះមួក និងបោះវាចេញឲ្យឆ្ងាយពីអ្នក

៥. ព្យុះកំបុតត្បូងកំពុងខិតមកជិតអ្នក។ តើអ្នកគួរធ្វើដូចម្តេច?

+ រត់ឡើងលើភ្នំ
+ លាក់ខ្លួននៅក្នុងរណ្ដៅ
+ រត់ឲ្យលឿនតាម ដែលអាចធ្វើទៅបាន

៦. សត្វឃុំជាច្រើនតាមទិចអ្នក។ តើអ្នកគួរធ្វើដូចម្តេច?

+ លាក់ខ្លួននៅក្នុងរូងភ្នំ
+ មុជទៅក្រោមទឹក
+ ប្រើថ្នាំសម្លាប់សត្វល្អិត

៧. ជណ្តើរយន្តកំពុងតែធ្លាក់ចុះ។ តើអ្នកគួរធ្វើដូចម្តេច?

+ ព្យាយាមលោត
+ ដេកផ្ងារនៅលើបាតជណ្តើរ
+ ឈរឲ្យជាប់ទៅនឹងជញ្ជាំងជណ្តើរ

៨. ធ្លាក់ចូលទៅក្នុងដុំទឹកកក។ តើអ្នកគួរធ្វើដូចម្តេច?

+ ព្យាយាមធ្វើឲ្យរអិលខ្លួនទៅតាមផ្លូវដែលលោកអ្នកបានធ្លាក់ចូលមក
+ ព្យាយាមបំបែកដុំទឹកកក និងដើរទៅរកច្រាំង
+ ដោះសំលៀកបំពាក់ចេញ។

ទាំងនេះគឺជាជម្រើនដ៏ល្អបំផុត ចំពោះស្ថានភាពគ្រោះថ្នាក់ទាំង ៨ ខាងលើនេះ៖

១. អ្នកគួរធ្វើដំណើរនៅពេលយប់ ព្រោះពេលសីតុណ្ហភាពចុះត្រជាក់វាអាចការពារអ្នកពីបញ្ហាខ្សោះជាតិទឹក និងឲ្យលោកអ្នកធ្វើដំណើរមិនសូវឆាប់ហត់។

២. ជម្រើសដ៏ល្អបំផុតគឺត្រូវយកអាវមកគ្របមុខ ដើម្បីកុំឲ្យកម្ទេចដីហូរចូលច្រមុះ ទើបអ្នកអាចដកដង្ហើមបាន។

៣. ព្យាយាមវាយ និងចាក់ភ្នែករបស់វា ព្រោះវាជាចំណុចខ្សោយរបស់ត្រីឆ្លាម និងជាជម្រើសល្អតែមួយគត់ ដែលអ្នកអាចធ្វើបានក្នុងពេលនោះ។

៤. សត្វគោមានប្រតិកម្មជាមួយសកម្មភាពរបស់មនុស្ស​ជាខ្លាំង ដូចនេះអ្នកគួរដោះមួក ឬអាវចេញពីខ្លួន និងបោះវាចោល ដើម្បីឲ្យសត្វគោរត់ទៅរករបស់ទាំងនោះវិញ។

៥. អ្នកគួររករណ្តៅណាមួយ ដើម្បីលាក់ខ្លួន ហើយយកអាវមកគ្របមុខ ដើម្បីកុំឲ្យកម្ទេចដីបក់ចូលមុខ និងភ្នែក។

៦. ត្រូវព្យាយាមលាក់ខ្លួនទៅកន្លែងងងឹត ព្រោះសត្វឃ្មុំមិនអាចមើលឃើញនៅកន្លែងងងឹតនោះទេ។

៧. អ្នកគួរតែដេកផ្ងារនៅលើបាតជណ្តើរ ដើម្បីកុំឲ្យរងរបួសដោយសារកម្លាំងទំនាញ។ ដ្បិតតែជម្រើសនេះមិនអាចជួយឲ្យលោកមានសុវត្ថិភាព ១០០% ក៏ពិតមែន តែវាជួយកាត់បន្ថយគ្រោះថ្នាក់បានច្រើន។

៨. អ្នកមិនអាចបំបែកដុំទឹកកកបានទេ ដូចនេះវិធីល្អបំផុតគឺត្រូវព្យាយាមធ្វើឲ្យខ្លួនរអិលទៅតាមដំណើរ ហើយរង់ចាំដល់ចំណុចមួយ ដែលលែងរអិលចាំព្យាយាមឡើងមកវិញ៕

អត្ថបទ៖ ភក្តី

ប្រភព៖ brightside