Twitter បាននិយាយថា ខ្លួនកំពុងបើកដំណើរការសេវាកម្មជាវ (subscription) ឡើងវិញនៅថ្ងៃចន្ទនេះ ដោយនឹងផ្តល់ជូនអ្នកប្រើប្រាស់នូវការផ្ទៀងផ្ទាត់គណនី ក្នុងតម្លៃ ៨ ដុល្លារក្នុងមួយខែ ឬ ១១ ដុល្លារក្នុងមួយខែ សម្រាប់អ្នកប្រើប្រាស់ Apple ។ ក្រុមហ៊ុន​ក៏​បាន​និយាយ​ថា ​ខ្លួន​នឹង​ផ្តល់​សញ្ញាធីក​ពណ៌​ខៀវ​ដល់​បុគ្គល​រួម​ទាំង​អ្នក​មិន​មាន​ភាព​ល្បីល្បាញ​ផង​ដែរ ខណៈ​ដែល​អាជីវកម្ម​នឹង​ទទួល​បាន​ពណ៌មាស និង​ពណ៌​ប្រផេះ ​សម្រាប់​គណនី​រដ្ឋាភិបាល។

Twitter បានណែនាំសេវាកម្មនេះនៅក្នុងខែវិច្ឆិកា ប៉ុន្តែបានផ្អាកពីរបីថ្ងៃបន្ទាប់ពីការបើកដំណើរការ ក្រោយមានគណនីក្លែងក្លាយផ្ទុះឡើងយ៉ាងខ្លាំង។ ខ្លួនបានសន្យាថា នឹងចាត់វិធានការ ដើម្បីការពារគណនីបែបនេះពីការកើនឡើង។ ប្រាក់ចំណូលពីការផ្សាយពាណិជ្ជកម្មរបស់ Twitter បានធ្លាក់ចុះ បន្ទាប់ពីលោក Elon Musk បានគ្រប់គ្រងក្រុមហ៊ុននេះ មួយផ្នែកដោយសារតែចំនួន tweets រើសអើងបានកើនឡើង។ អ្នកសង្កេតការណ៍និយាយថា Twitter ស្វែងរកការកែលម្អបន្ទាត់ខាងក្រោមរបស់ខ្លួនជាមួយនឹងសេវាកម្មថ្មី៕

អត្ថបទ៖ លីដា
ប្រភព៖ Tech Crunch