គ្រោះរញ្ជួយដីដ៏ខ្លាំងបំផុតមួយក្នុងប្រវត្តិសាស្ត្ររដ្ឋតិចសាស់ បានវាយប្រហារកាលពីល្ងាចថ្ងៃសុក្រ នៅតំបន់ភាគខាងលិចនៃរដ្ឋ ដែលជាជម្រកនៃសកម្មភាពប្រេង និងហ្គាស ប៉ុន្តែមិន​មាន​របាយការណ៍​ភ្លាមៗ​អំពី​ការ​ខូច​ខាត​ ឬ​របួស​ទេ។ ទីភ្នាក់ងារស្ទាបស្ទង់ភូមិសាស្ត្រអាមេរិក បាននិយាយថា គ្រោះរញ្ជួយដីនោះមានកម្រិត ៥.៤រ៉ិចទ័រ ហើយបានវាយប្រហារនៅវេលាម៉ោង ៥ និង ៣៥នាទីល្ងាច ម៉ោងក្នុងស្រុក។ វាស្ថិតនៅចំកណ្តាលប្រហែល ២២ គីឡូម៉ែត្រ ខាងជើងឆៀងខាងលិចនៃតំបន់ Midland ជាមួយនឹងជម្រៅប្រហែល ៩ គីឡូម៉ែត្រ។

ការិយាល័យសេវាកម្មអាកាសធាតុជាតិនៅ Midland បានសរសេរថា៖«វាទំនងជាការរញ្ជួយដីខ្លាំងបំផុតទី៤ នៅក្នុងប្រវត្តិសាស្ត្ររដ្ឋតិចសាស់!» អ្នកជំនាញភូគព្ភសាស្ត្រ Jana Pursley នៅមជ្ឈមណ្ឌលព័ត៌មានរញ្ជួយដីជាតិរបស់ USGS ក្នុងរដ្ឋ Colorado បាននិយាយថា យោងតាមរបាយការណ៍ដំបូងដែលទទួលដោយទីភ្នាក់ងារនេះ ការរញ្ជួយនេះត្រូវបានទទួលអារម្មណ៍ដោយមនុស្សជាង ១,៥០០ នាក់ នៅចម្ងាយពីតំបន់ Amarillo និង Abilene ក្នុងរដ្ឋតិចសាស់ រហូតដល់ភាគខាងលិចរហូតដល់ទីក្រុង Carlsbad រដ្ឋ New Mexico៕

អត្ថបទ៖ លីដា
ប្រភព៖ Bloomberg