ការិយាល័យរាជវង្សថៃ បានប្រកាសនៅថ្ងៃសៅរ៍ ទី១៧ ខែធ្នូ នេះថា ព្រះមហាក្សត្រថៃ ព្រះចៅមហា វិជ្ជរ៉ាឡុងកន និងម្ចាស់ក្សត្រី សុធីតា បានធ្វើតេស្តវិជ្ជមានជំងឺ​ COVID-19។ ទ្រង់ទាំង ២ ព្រះអង្គ ​ត្រូវ​បាន​គេ​ពិនិត្យ​អាការរោគនៅ​យប់​ថ្ងៃ​សុក្រ​ ហើយ​ការ​ធ្វើ​តេស្ដ​បាន​បញ្ចាក់ថា ទ្រង់វិជ្ជមានជាមួយជំងឺនេះ។ ទោះយ៉ាងណាក៏ដោយ ព្រះអង្គទាំង ២ មានព្រះរោគសញ្ញាស្រាលៗប៉ុណ្ណោះ។ ការិយាល័យ​បាន​និយាយ​ថា ក្រុម​វេជ្ជបណ្ឌិត​បាន​ផ្តល់​ថ្នាំ និង​បាន​ណែនាំ​ព្រះអង្គទាំង ២ ​ឱ្យ​ចៀសវាង​ការ​បំពេញ​ព្រះរាជកិច្ច​មួយ​រយៈសិន។

មុននេះ បុត្រីច្បងរបស់ព្រះចៅមហា វិជ្ជរ៉ាឡុងកន គឺព្រះនាង បច្ចរ៉ាគិត្យាផា នរិន្ទ្រៈ ទិព្វាវត្តី (Bajrakitiyabha Narendira Debyavati) ក៏ទើបតែត្រូវបានគេបញ្ជូនចូលមន្ទីរពេទ្យ បន្ទាប់ពីទ្រង់បានសន្លប់កំឡុងពេលបង្ហាត់សុនក នៅ​ខេត្ត​ភាគ​ឦសាន​ប្រទេស​កាល​ពី​ថ្ងៃ​ពុធ ដោយសារបញ្ហាជំងឺបេះដូង៕

អត្ថបទ៖ លីដា
ប្រភព៖ The Nation Thailand