រដ្ឋបាលផលិតផលវេជ្ជសាស្ត្រជាតិរបស់ប្រទេសចិនបាននិយាយកាលពីថ្ងៃអាទិត្យថា ប្រទេសរបស់ខ្លួនបានអនុម័តថ្នាំដែលផលិតក្នុងស្រុកចំនួន ២ សម្រាប់អ្នកជំងឺ COVID-19 ដែលមានរោគសញ្ញាស្រាល និងមធ្យម។ ឱសថគ្រាប់ដែលមានម៉ូលេគុលតូច ប្រើសម្រាប់ព្យាបាលអ្នកជំងឺពេញវ័យ ដែលឆ្លងជំងឺ COVID-19 កម្រិតស្រាលទៅមធ្យម ត្រូវបានប្រកាសដោយក្រុមហ៊ុន Hainan Simcere Pharmaceutical Co., Limited និង Shanghai Wangshi Biological Medicine Technology Co., LTD. នេះបើយោងតាមសេចក្តីថ្លែងការណ៍ស្តីពី គេហទំព័ររដ្ឋបាល។

ជម្រាបដែរថា មានថ្នាំជាង ៦០០ ប្រភេទ ដែលត្រូវបានប្រើប្រាស់សម្រាប់ជំងឺផ្តាសាយ គ្រុនក្តៅ និងក្អក ឬការព្យាបាលការឆ្លងជំងឺ COVID-19 នៅក្នុងកាតាឡុកធានារ៉ាប់រងផ្នែកវេជ្ជសាស្ត្របច្ចុប្បន្នរបស់ប្រទេសចិន នេះបើយោងតាមលោក Huang Xinyu មន្ត្រីនៅរដ្ឋបាលសន្តិសុខថែទាំសុខភាពជាតិនៅក្នុងសន្និសីទសារព័ត៌មានដែលបានធ្វើឡើងនៅថ្ងៃទី១១ ខែមករា ឆ្នាំ២០២៣៕

អត្ថបទ៖ លីដា
ប្រភព៖ CGTN