ព្រឺសម្បុរ! កុមារីសិស្សថ្នាក់ទី៩ ជាប់ជយលាភីលេខ១ ផ្នែកស្មូត្រកំណាព្យធ្វើឱ្យគណៈអធិបតីស្លុងអារម្មណ៍ ជាមួយទឹកដមសំឡេងដ៏សែនរណ្ដំ

រាជធានីភ្នំពេញ៖ យោងតាមគណនីហ្វេសប៊ុកផ្ទាល់របស់ ទេពនិម្មិត នៅថ្ងៃទី១៣ ខែមីនា ឆ្នាំ២០២៣ បានឱ្យដឹងថា ជយលាភីលេខ១ ផ្នែកស្មូត្រកំណាព្យក្នុងទិវាជាតិអំណានឆ្នាំនេះ បានទៅលើកុមារី សាត់ ស្រីណុច ដែលជាសិស្សថ្នាក់ទី៩ នៃសាលាវិទ្យាល័យ សម្តេចឪ សម្តេចម៉ែ បសេដ្ឋ ខេត្តកំពង់ស្ពឺ។

ក្នុងពិធីប្រារព្ធទិវាជាតិអំណាននាព្រឹកថ្ងៃសៅរ៍ ទី១១ ខែមីនានេះ កុមារី សាត់ ស្រីណុច ត្រូវបានអង្គពិធីចាត់ឱ្យស្មូត្រកំណាព្យជូនអង្គពិធីទាំងមូល។ កំណាព្យដែល ស្រីណុច ស្មូត្រនោះ មានចំណងជើងថា «អំណានជាមូលដ្ឋានគ្រឹះនៃការសិក្សាពេញមួយជីវិត»។ សំឡេងកុមារីម្ចាស់ជយលាភីដ៏ក្រអួនក្រអៅ បានធ្វើឱ្យគណៈអធិបតី និងអ្នកចូលរួមស្លុងអារម្មណ៍កោតសរសើរទឹកដមសំឡេងគ្រប់ៗគ្នា ៕

ប្រភព៖ ទេពនិម្មិត debanimmita