យោងតាមសារព័ត៌មាន ABC news បានរាយការណ៍ថា លិខិតគំរាមសម្លាប់ និងម្សៅពណ៌សយ៉ាងចម្លែក ត្រូវបានផ្ញើទៅកាន់រដ្ឋអាជ្ញាទីក្រុងញូវយ៉ក ដែលកំពុងស៊ើបអង្កេតអតីតប្រធានាធិបតី ដូណាល់ ត្រាំ។ ពួកគេ​និយាយ​ថា លិខិត​នោះ​ត្រូវ​បាន​ផ្ញើ​ទៅ​មេធាវី​ប្រចាំ​តំបន់ Manhattan លោក Alvin Bragg។ វា​ត្រូវ​បាន​គេ​ដាក់​ប្រៃសណីយ៍​នៅ​ថ្ងៃ​អង្គារ ហើយ​ត្រូវ​បាន​បញ្ជូន​ពី​ទីក្រុង Orlando រដ្ឋ Florida។

ជម្រាបដែរថា មេធាវីស្រុកកំពុងស៊ើបអង្កេតលើការចោទប្រកាន់មួយដែលថា លោក ត្រាំ បានបង់លុយដោយសម្ងាត់ ទៅកាន់ស្ត្រីដែលអះអាងថាមានទំនាក់ទំនងស្នេហាជាមួយអតីតប្រធានាធិបតីរូបនេះ។ ប៉ូលីសកំពុងពិនិត្យមើលទំនាក់ទំនងរវាងលិខិតនេះ និងការស៊ើបអង្កេត ខណៈការសម្រេចចិត្តរបស់គណៈវិនិច្ឆ័យធំនៅទីក្រុងញូវយ៉ក «ស្តីពីការចោទប្រកាន់អតីតប្រធានាធិបតី» អាចកើតឡើងនៅដើមសប្តាហ៍ក្រោយ៕

អត្ថបទ៖ លីដា
ប្រភព៖ ABC news