សាកលវិទ្យាល័យនៅក្នុងប្រទេសជប៉ុនកំពុងចាត់វិធានការទាក់ទងនឹងការប្រើប្រាស់ ChatGPT ដែលជាកម្មវិធី AI អន្តរកម្ម ដែលអាចបង្កើតប្រយោគធម្មជាតិក្នុងការឆ្លើយតបទៅនឹងសំណួរណាមួយ។ ការប្រើប្រាស់ ChatGPT កំពុងត្រូវបានរឹតបន្តឹងកាន់តែខ្លាំងឡើង សម្រាប់អត្ថបទរបស់និស្សិត និងឯកសារផ្សេងទៀត ហើយនិស្សិតកំពុងត្រូវបានព្រមានអំពីគ្រោះថ្នាក់នៃការលេចធ្លាយព័ត៌មានរបស់ពួកគេ។ អ្នកជំនាញបាននិយាយថា សមាជិកមហាវិទ្យាល័យដែលបានបំពានវិធាននេះ នឹងត្រូវទទួលខុសត្រូវចំពោះកំហុសរបស់ពួកគេ។

សាកលវិទ្យាល័យ Sophia របស់ជប៉ុន បានចេញផ្សាយគោលការណ៍នៃការដាក់ពិន្ទុរបស់ខ្លួនទាក់ទងនឹង «ChatGPT និង AI chatbots ផ្សេងទៀត» ដល់និស្សិត និងមហាវិទ្យាល័យនៅលើគេហទំព័រផ្លូវការរបស់ខ្លួន នៅថ្ងៃទី២៧ ខែមីនា កន្លងទៅនេះ។ ពួកគេបាននិយាយថា៖«ការប្រើប្រាស់អត្ថបទ កូដកម្មវិធី លទ្ធផលគណនាដែលបង្កើតដោយ ChatGPT និង AI chatbots ផ្សេងទៀត មិនត្រូវបានអនុញ្ញាតលើកិច្ចការណាមួយដូចជា៖ ក្រដាសឯកសារ របាយការណ៍ អត្ថបទ និងនិក្ខេបទ ដោយគ្មានការអនុញ្ញាតពីគ្រូនោះឡើយ។ លើសពីនេះ ប្រសិនបើការប្រើប្រាស់ត្រូវបានបញ្ជាក់ដោយឧបករណ៍រាវរក វិធានការតឹងរ៉ឹងនឹងត្រូវធ្វើឡើង។»

អត្ថបទ៖ លីដា
ប្រភព៖ Japan News