យូនីសេហ្វ៖ កុមារប្រមាណ ៦៧ លាននាក់ ខកខានការចាក់វ៉ាក់សាំងបង្ការរោគ ដោយសារការរំខាននៃជំងឺកូវីដ១៩

មូលនិធិកុមាររបស់អង្គការសហប្រជាជាតិ (យូនីសេហ្វ) បាននិយាយកាលពីថ្ងៃពុធថា កុមារប្រមាណ ៦៧ លាននាក់ បានខកខានការចាក់វ៉ាក់សាំងបង្ការរោគជាប្រចាំរបស់ពួកគេ មួយចំនួនធំ ឬទាំងស្រុង រវាងឆ្នាំ២០១៩ និង២០២១ ដោយសារតែការបិទខ្ទប់ និងការរំខានដល់ប្រព័ន្ធសុខាភិបាល ដែលបណ្តាលមកពីជំងឺរាតត្បាត COVID-19។

របាយការណ៍ពីយូនីសេហ្វបានឱ្យដឹងថា៖«កិច្ចខិតខំប្រឹងប្រែងច្រើនជាងមួយទសវត្សរ៍យ៉ាងលំបាកក្នុងការចាក់ថ្នាំបង្ការកុមារឱ្យបានទៀតទាត់ ត្រូវបានបាត់បង់» ដោយបន្ថែមថា ការវិលត្រឡប់មករកទម្លាប់ដូចដើមវិញ «នឹងក្លាយជាបញ្ហាប្រឈម» ដោយសារការខកខានទាំងអស់នេះ។ អង្គការបានកត់សម្គាល់ថា ក្នុងចំណោមកុមារទាំង ៦៧ លាននាក់ មានកុមារ ៤៨ លាននាក់ ខកខានមិនបានចាក់វ៉ាក់សាំងជាប្រចាំទាំងស្រុងតែម្ដង៕

អត្ថបទ៖ លីដា
ប្រភព៖ Barrons