លោក Geoffrey Hinton ដែលត្រូវបានគេស្គាល់យ៉ាងទូលំទូលាយថា ជាបិតានៃបញ្ញាសិប្បនិមិត្ត (AI) បានលាឈប់ពីការងាររបស់គាត់ ខណៈបានព្រមានអំពីគ្រោះថ្នាក់ ដែលកំពុងកើនឡើងពីការអភិវឌ្ឍន៍នៅក្នុងវិស័យមួយនេះ។ បុរសមានអាយុ ៧៥ឆ្នាំរូបនេះ បានប្រកាសលាលែងពី Google នៅក្នុងសេចក្តីថ្លែងការណ៍មួយទៅកាន់សារព័ត៌មាន New York Times ហើយលោកក៏បាននិយាយថា លោកមានការសោកស្តាយចំពោះការងាររដែលគាត់ធ្លាប់ធ្វើ។ ពោលគឺគាត់បានប្រាប់ BBC ពីគ្រោះថ្នាក់មួយចំនួននៃ chatbots របស់ AI ថាវា «គួរឱ្យខ្លាចណាស់» ។

លោកបាននន្ដថា៖«ឥឡូវនេះ ពួកគេមិនឆ្លាតជាងយើងទេ តាមដែលខ្ញុំអាចប្រាប់បាន។ ប៉ុន្តែខ្ញុំគិតថា ពួកគេនឹងអាចឆាបៗនេះ» លោកវេជ្ជបណ្ឌិត Hinton ក៏បានទទួលស្គាល់ថា អាយុរបស់គាត់បានជំរុញឱ្យគាត់ចេញពីក្រុមហ៊ុនបច្ចេកវិទ្យាយក្ស Google ដោយគាត់បានប្រាប់ BBCថា៖«ខ្ញុំមានអាយុ ៧៥ឆ្នាំ ដូច្នេះដល់ពេលត្រូវចូលនិវត្តន៍ហើយ»។ ជម្រាប់ផងដែរថា ការស្រាវជ្រាវត្រួសត្រាយរបស់លោកវេជ្ជបណ្ឌិត Hinto គឺមានពាក់ព័ន្ធនឹងការសិក្សា និងបណ្តាញសរសៃប្រសាទស៊ីជម្រៅ ដែលវាបានត្រួសត្រាយផ្លូវ សម្រាប់ប្រព័ន្ធ AI បច្ចុប្បន្នដូចជា ChatGPT ជាដើម៕

អត្ថបទ៖ លីដា
ប្រភព៖ BBC