អន្តរជាតិ

សមាគមកីឡាបាល់ទាត់ថៃ បានព្យួរការងារបុគ្គលិក និងកីឡាករចំនួន ៥រូប ដែលបង្កភាពចលាចលនៅក្នុងការប្រកួតស៊ីហ្គេមកន្លងទៅ

BY: autoadmin

: May 23, 2023

គណៈកម្មាធិការដែលបង្កើតឡើងដោយសមាគមកីឡាបាល់ទាត់ថៃ ដើម្បីស៊ើបអង្កេតលើភាពចម្រូងចម្រាសនៅក្នុងការប្រកួតបាល់ទាត់វគ្គផ្ដាច់ព្រ័ត្រ ក្នុងព្រឹត្តិការណ៍ស៊ីហ្គេមលើកទី៣២ រវាងជម្រើសជាតិថៃ និងឥណ្ឌូណេស៊ី U22 បានចេញការដាក់ទណ្ឌកម្មយ៉ាងតឹងរ៉ឹងលើបុគ្គលិក ៣នាក់ និងកីឡាករបាល់ទាត់ ២នាក់ ចំពោះអាកប្បកិរិយារបស់ពួកគេនៅក្នុងការប្រកួតនោះ។

គណៈកម្មាធិការបានសម្រេចចិត្តព្យួរការងារបុគ្គលិកទាំង ៣ រយៈពេល ១ឆ្នាំ ដោយនិយាយថា អាកប្បកិរិយាបែបនេះមិនអាចទទួលយកបានពីសមាជិកក្រុមជាន់ខ្ពស់ឡើយ។ ចំណែកកីឡាករបាល់ទាត់ចំនួន ២នាក់ ផ្សេងទៀត ត្រូវបានព្យួរការងាររយៈពេល ៦ខែ ដោយបន្ថែមថា ការដាក់ទោសត្រូវបានកាត់បន្ថយដោយសារពួកគេនៅមានអាយុក្រោម ២២ឆ្នាំ នៅឡើយ

រំលឹកផងដែរថា ការប្រកួតវគ្គផ្តាច់ព្រ័ត្ររវាងជម្រើសជាតិថៃ និងឥណ្ឌូណេស៊ី នៅក្នុងទីក្រុងភ្នំពេញរបស់ប្រទេសកម្ពុជា បានបញ្ចប់ទៅដោយការប្រឈមមុខគ្នារហូតដល់មានការប៉ះទង្គិចគ្នាយ៉ាងខ្លាំង រវាងភាគីទាំង២ ហើយកាតក្រហមត្រូវបានដកចេញដល់ទៅ ៧ កាត ទៅកាន់ភាគីទាំងសងខាង។

សមាគមបាល់ទាត់ថៃសម្រេចដាក់ពិន័យកីឡាករ និងបុគ្គលិករបស់ខ្លួន ដែលបានចូលរួមក្នុងការប៉ះទង្គិចដោយហិង្សានោះ។ ជម្រើសជាតិឥណ្ឌូណេស៊ីបានឈ្នះថៃ ក្នុងលទ្ធផល ៥-២ ហើយវាក៏ជាការឈ្នះមេដាយមាសលើកដំបូងបំផុត ក្នុងរយៈពេល ៣២ សម័យកាលស៊ីហ្គេម ចាប់តាំងពីឆ្នាំ១៩៩១ មក៕

អត្ថបទ៖ លីដា
ប្រភព៖ The Nation Thailand

Share This Post:

SPONSOR

អត្តបទទាក់ទង

ជប៉ុនរងការវាយប្រហារដោយគ្រោះរញ្ជួយដីកម្រិត ៥,៧រ៉ិចទ័រ

មនុស្ស ១២នាក់បានបាត់បង់ជីវិត នៅក្នុងហេតុការណ៍ភ្លើងឆេះអគារមួយកន្លែងនៅប្រទេសចិន