ស្ងាត់ៗ ចិនបង្អួតគំរូរថភ្លើងដ៏មហាសែនលឿន ដែលអាចរត់បានរហូតដល់ ៦០០គ.មក្នុងមួយម៉ោង

ចិន៖ កាលពីថ្ងៃព្រហស្បតិ៍ ម្សិលមិញនេះ ប្រទេសចិនបានធ្វើការបង្ហាញគំរូរថភ្លើងថ្មីស្រឡាំងមួយ ដែលអាចមានសមត្ថភាពរត់បានរហូតដល់ទៅ៦០០គីឡូម៉ែត្រក្នុងមួយម៉ោង។ ការដាក់បង្ហាញរថភ្លើងល្បឿននេះបានធ្វើឡើងនៅក្នុងទីក្រុង Qingdao ខេត្ត Shandong ប្រទេសចិន។ ការបង្ហាញខ្លួនដំបូងនៃគំរូសាកល្បងរថភ្លើងល្បឿនលឿនរបស់ប្រទេសចិនមួយនេះ គឺជាសញ្ញាដ៏សំខាន់មួយសម្រាប់ប្រទេសចិននៅក្នុងប្រព័ន្ធរថភ្លើងល្បឿនលឿន។ យោងតាមប្រភពព័ត៌មានបានឲ្យដឹងថា រថភ្លើងដ៏សែនលឿននេះគ្រោងនឹងបិទខ្សែផលិតកម្មនៅឆ្នាំ២០២០ ហើយគ្រោងនឹងបញ្ចប់ការធ្វើតេស្តសាកល្បងនៅឆ្នាំ២០២១៕

អត្ថបទ៖ ឌី
ប្រភព៖ cgtn