បុរសម្នាក់បើករថយន្តទៅទារលុយជំពាក់២០ដុល្លារ មិនបានលុយហើយ ត្រូវខាងអ្នកជំពាក់លុយវាយទៀត

រាជធានីភ្នំពេញ៖ មានការចែករំលែកពេញបណ្តាញសង្គមនូវករណីបុរសម្នាក់បេីករថយន្ត PRIUS អត់ស្លាកលេខ​ ចូលទារលុយ​ពីអ្នកជំពាក់លុយ​ ២០ដុល្លារ​​ តែអ្នកជំពាក់មិននៅ​ នៅតែមិត្តភក្តិអ្នកជំពាក់កំពុងផឹកស៊ី​ ស្រាប់តែទាស់សម្ដីគ្នា​ ព្រួតវាយបុរសជាអ្នកមកទារលុយនោះ បណ្តាលឲ្យបែកមុខហូរឈាម ហេីយក្រុមដែលបានព្រួតវាយបម្រុងរត់គេច​ តែត្រូវបានម្ចាស់រថយន្ត PRIUS ដែលកំពុងរងរបួស​ បេីករថយន្តបំបុកម៉ូតូ PCX ខ្ទេចកៀបជាប់រថយន្ត​ ហេតុការណ៍នេះបានកើតឡើងកាលពីវេលាម៉ោង២២យប់ថ្ងៃទី២៦ ខែឧសភា ឆ្នាំ២០១៩ ស្ថិតនៅផ្លូវ១០៥​ កែងផ្លូវ៣១០ សង្កាត់បឹងកេងកង៣ ខណ្ឌចំការមន រាជធានីភ្នំពេញ៕

រូបភាព៖ ABC
អត្ថបទ៖ ណារ៉ែន