អន្តរជាតិ
អគ្គស្នងការដ្ឋាននគរបាលជាតិធ្វើការបំភ្លឺ ករណីប៉ូលិសបោកលុយប្រជាពលរដ្ឋរត់ការចូលក្របខ័ណ្ឌ
BY Khmernote Media
June 6, 2019
រាជធានីភ្នំពេញ ៖ កាលពីពេលថ្មីៗនេះ មានការផ្ទុះឡើងនូវព័ត៌មានករណីមន្ត្រីប៉ូលិសបានបោកប្រាស់លុយរបស់បងប្អូនប្រជាពលរដ្ឋ ដើម្បីរត់ការចូលក្របខ័ណ្ឌ។ ទាក់ទងនឹងករណីនេះ អគ្គស្នងការដ្ឋាននគរបាលជាតិធ្វើការបំភ្លឺថា ផ្អែកតាមការស្រាវជ្រាវ និងត្រួតពិនិត្យរួចមក បុគ្គលឈ្មោះ ឆាយ ឆដា ដែលប្រើឯកសណ្ឋាននគរបាល និងត្រូវបានបណ្តាញសង្គមចុះផ្សាយថា ពាក់ព័ន្ធការបោក ប្រាស់ ឬយកលុយដើម្បីរត់ការចូលក្របខ័ណ្ឌនគរបាលនោះ មិនស្ថិតក្នុងក្របខ័ណ្ឌនគរបាលជាតិនោះទេ ។ បុគ្គលនេះ គឺជាមនុស្សក្លែងបន្លំជានគរបាល ។ បច្ចុប្បន្ន សមត្ថកិច្ចកំពុងតែតាមស្រាវជ្រាវ និងស្វែងរកបុគ្គលនេះ ដើម្បីធ្វើការឃាត់ខ្លួន និងសាកសួរបន្ត ៕
ប្រភព៖ អគ្គស្នងការដ្ឋាននគរបាលជាតិ