ឃើញដុំថ្មរាប់សែនគីឡូដូចគួរឲ្យសង្ស័យ សំណាងចេះប៉ូលិសវាយបំបែកមើលទាន់ពេល កុំអីស៊យធំបាត់

មនុស្សចំ​នួន ១១ នាក់ត្រូវបានប៉ូលិសអេស្ប៉ាញចាប់ខ្លួនជុំវិញករណីរត់ពន្ធគ្រឿងញៀនចូលក្នុងប្រទេសអេស្ប៉ាញតាមរយៈការបង្កប់គ្រឿងញៀនទាំងនោះនៅក្នុងថ្មក្លែងក្លាយ។ តាមការបកស្រាយរបស់របស់មន្ត្រីប៉ូលិសអេស្ប៉ាញបានឲ្យដឹងថា មនុស្សទាំង ១១ នាក់នោះគឺជាជនជាតិកូឡុំប៊ី និងវេណេហ្ស៊ុអេឡា ហើយជនខិលខូចបានព្យាយាមនាំយកថ្មចំនួន ១៨៨,០០០ គីឡូមកលក់ក្នុងប្រទេសអេស្ប៉ាញដោយប្រាប់ថា ថ្មទាំងនោះសម្រាប់ប្រើប្រាស់ក្នុងវិស័យសំណង់។ យ៉ាងណាក្តី ក្រោយការពិនិត្យគេបានរកឃើញថា ថ្មមួយចំនួនជាថ្មក្លែងក្លាយហើយពេលគេបំបែកថ្មក្លែងក្លាយទាំងនោះទៅ គេបានរកឃើញគ្រឿងញៀនប្រភេទកាកូអ៊ីនចំនួន ៧៨៥​ កញ្ចប់។ លោកអ្នកអាចទស្សនាហេតុការណ៍នេះដូចក្នុងវីដេអូខាងក្រោម៖

អត្ថបទ៖ ភក្តី

ប្រភព៖ dailymail