ប្រិយមិត្តច្បាស់ជ្រាបរួចមកហើយថា ឯកឧត្តម ថៃ នរៈសត្យា រដ្ឋលេខាធិកាក្រសួងវប្បធម៌ និងវិចិត្រសិល្បៈ និងអតីតអ្នកនិពន្ធចម្រៀង អ្នកស្រី ងិន ម៉ានីយ៉ា បានលែងលះគ្នាជាយូរមកហើយ ប៉ុន្តែពុំដែលលេខឮដំណឹងថា ឯកឧត្តម ថៃ នរៈសត្យា មានទំនាក់ទំនងស្នេហ៍ជាមួយនឹងនារីរូបណាឡើយ។

យ៉ាងណាមិញកាលពីថ្ងៃទី១៥ ខែមិថុនា ឆ្នាំ២០១៩ ឯកឧត្តម ថៃ នរៈសត្យា បង្ហាញមុខ​ភរិយា​ស្រស់​ស្អាតឈ្មោះ ទេព សុធីតា ដោយឯកឧត្តមបានរៀបចំពិធី​សំពះ​ផ្ទឹម​នាពេលព្រឹក និងល្ងាចរៀបចំពិធីឡើងផ្ទះវីឡា​ថ្មី ​នៅសង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។ ដោយលោកជំទាវ ទេព សុធីតា បានសរសេររៀបរាប់ថា៖ “នាងខ្ញុំនិងស្វាមីសូមអរគុណដល់ភ្ញៀវទាំងអស់ដែលបានចូលរួមពិធីឡេីងគេហដ្ឋានរបស់នាងខ្ញុំចា៎​សូមសុខសប្បាយនិងសុខភាពល្អទាំងអស់គ្នាណា៎”។

យោងតាមប្រភពព័ត៌មានបានបញ្ជាក់ថាភរិយាក្រោយរបស់ ឯកឧត្តម ថៃ នរៈសត្យា គឺជាជាប្អូនជីដូនអ្នកស្រី ងិន ម៉ានីយ៉ា (ភរិយាដើម) ក្នុងនោះផងដែល ឯកឧត្តម ថៃ នរៈសត្យា និងភរិយាក្រោយមានអាយុខុសគ្នាជិត៤០ឆ្នាំ៕

ដោយ៖ ណារ៉ែន